web counter
LEXO PA REKLAMA!

SHKARKO APP

App Store
Google Play

E fundit!

x

Duma sfidon Veliajn: Nëse fiton 7% të votave në Kavajë e Rogozhinë, burrash unë e lë mandatin

6 Mars 2021, 14:53, Politikë CNA

Kandidatja për deputete e Partisë Demokratike, Grida Duma ka ftuar kreun e Bashkisë së Tiranës, Erion Veliaj të lerë mandatin e tij në kryeqytet dhe të përballen së bashku në Kavajë e Rogozhinë.

Duma thekson se nëse Veliaj arrin të fitojë 7% të votave në përballjen e tyre elektorale, ajo do të dorëzojë mandatin e saj si deputete.

?Të heqe dorë nga mandati i Tiranës, ta lejë mandatin e Tiranës, të futet në listë, të konkurrojë dhe të dalë përballë këtu me mua dhe nëse merr ai në Kavajë dhe në Rogozhinë 75 të votave, ja ku këtu jemi burrash që unë e lë këtë mandat. Se ka vetëm një përballje në politikë: vota, lista, përfaqësimi, llogaridhënia dhe përgjegjësia ndaj njerëzve që iu kërkon votën?, shprehet Duma.

Duma shton me bindje se nuk do të arrijnë dot të ndryshojnë rezultatin e procesit zgjedhor, ashtu sikurse arrijnë të mbushin me intriga portalet dhe të vjedhin nga xhepat e shqiptarëve.

?Kanë ardhur këtu fshihen dhe mendojnë se do bëjnë intriga duke marrë nga xhepat e shqiptarëve, nga tenderat, duke çuar nëpër portale intrigat dhe mendojnë se do të ndryshojnë rezultatin. Nuk e ndryshojnë më dot rezultatin, po j?ua them që tani nga Kavaja, nga Rogozhina ne do të çojmë në qendër të Tiranës një spektakël fitoreje?, përfundon Duma./CNA.al





Lajmet e fundit nga