web counter
LEXO PA REKLAMA!

SHKARKO APP

App Store
Google Play

Prokuroria përfundon hetimet për vrasjen e Klodian Rashës/ Efektivit i komunikohet akuza e re

3 Mars 2021, 10:12, Aktualitet CNA

Prokuroria e Tiranës ka mbyllur hetimet për vrasjen e të riut Klodian Rasha nga efektivi i policisë Nevaldo Hajdaraj.

Mbi efektivin e shqiponjave rëndon akuza e vrasjes me dashje. Nga hetimet ka rezultuar se Rasha ka qenë i pa armatosur.

Arma e gjetur 200 metër larg vendngjarjes është një model pistolete turke sportive e pershtatshme edhe për  armë zjarri.

Akuza Nevaldos i është komunikuar një ditë më parë në ambientet e paraburgimit. Fillimisbt ai u arrestua me akuzën e vrasjes në kapërcim të kufijve të mbrojties së nevojshme.

Hetimet zbuluan se vrasja është bërë me dashje dhe mund të evitohej. Brenda pak ditëve dosja do të përfundojë në gjykatën e Tiranës per ta gjykyar e dënuar Nevaldon për vrasje me dashje.

Klodian Rasha, u vra në orët e mëngjesit të 8 dhjetorit, dhe është qëlluar nga një distancë prej 5 metrash largësi nga punonjësi i policisë, Hajdaraj. Pamjet filmike kryesore të sekuestruara nga prokuroria e Tiranës, e tregonin qartë veprimin e policit, ku para kamerës së një servisi në Laprakë, duket se është pozicionuar për të qëlluar me armën e shërbimit në drejtim të personit që ai po ndiqte./CNA.al





Lajmet e fundit nga