Shqiptarët në kampet siriane/ Konsulli Ghorayeb: Shumë shpejt do ketë një lajm të mirë

2 Mars 2021, 19:08, Aktualitet CNA

Konsulli shqiptar në Liban, Marc Ghorayeb, ka folur mbrëmjen e sotme për gjendjen e shqiptarëve që ndodhen në kampet e Sirisë dhe përpjekjet për t?i rikthyer në Shqipëri.

Ghorayeb tha se ata po vazhdojmë të punojmë pa pushim duke përdorur burimet e tyre lokale, ndërkombëtare, në Siri dhe Liban për të kthyer pjesën tjetër të fëmijëve në Shqipëri.

Ai tha se pandemia ia ka vështirësuar punën, por theksoi se burimet që po përdorin janë treguar shumë bashkëpunues me dhe paralajmëroi se shumë shpejt do të ketë një lajm të mirë.

?Pandemia e COVID-19, problemet në verilindje të Sirisë si mungesa e sigurisë apo mjeteve logjistike, vështirësitë në transport do të na vështirësojnë punën pak më shumë. Në veçanti për t?i kthyer ata në formën e duhur, në duam që ata të kthehen të sigurte dhe të shëndetshëm. Ne nuk duam ti vëmë ata në rrezik, sepse në disa raste të qëndruarit aty ku ata janë është më e sigurtë sesa t?i nxjerrim në rrugë të rrezikshme. Ne po e vazhdojmë procesin me vendosmëri. Ministri Bledi Çuçi, të nesërmen që ai u emërua në detyrën e ministrit pas Z.Lleshaj më ka kontaktuar dhe ne vazhdojmë komunikimet ditore për të finalizuar këtë mision.

Kryeministri Rama është në kontakte të vazhdueshme me mua po ashtu. Burimet që ne përdorim janë treguar shumë bashkëpunues me dhe shumë shpejt ne do të kemi një lajm të mirë. Por ka disa gra të cilat nuk janë shumë të lumtura apo gati për t?u kthyer në jetën reale. Deklarojnë se nuk duan të braktisin kampin sepse janë të lumtura atje. Unë e kuptoj gjendjen e tyre, sepse psikologjikisht ato janë të frikësuara të kthehen në realitet. Por shumica janë gati për t?iu rikthyer jetës sepse ata po jetojnë në ferr atje. Ne do t?i kthejmë ata?, u shpreh konsulli shqiptar për Report Tv, ndërsa tregoi se të gjitha gratë dhe fëmijët janë të sigurtë .

?Janë dy kampe në Siri me gra dhe fëmijë Al Hol dhe Al Roj, të njohur nga të gjithë. Të gjithë janë të sigurtë dhe ne po e ndjekim situatën e tyre nga afër, nëpërmjet burimeve tona dhe burimeve humanitare të gjendura atje dhe burimeve tona të sigurisë. Ata janë të sigurtë deri sa të arrijmë t?i kthejmë këtu. Ne do t?i kthejmë, ne e premtuam këtë gjë më parë dhe ne po e mbajmë. Fakti që Shqipëria ka arritur të kthejë mbrapsht fëmijët është një gjë e mrekullueshme. Unë kur kam qenë personalisht në kamp kam parë mijëra persona nga vende të ndryshme dhe jam shokuar. Për Shqipërinë të bëjë diçka të tillë nuk është diçka e lehtë. Është diçka shumë e mirë dhe humanitare, sepse shumë vende nuk kanë arritur të bëjnë atë që kemi bërë ne?, deklaroi Marc Ghorayeb./ CNA.al