web counter
LEXO PA REKLAMA!

SHKARKO APP

App Store
Google Play

Angazhimi i policisë në zgjedhjet e 25 prillit/ Ministria e Brendshme thirrje qytetarëve: Distancohuni nga dhuna

2 Mars 2021, 13:56, Aktualitet CNA

Në një intervistë për Euronews Albania zv.ministri i Brendshëm, Besfort Lamallari foli për fazën përgatitore të Policisë së Shtetit për periudhën e zgjedhjeve të 25 prillit.

Ai u shpreh se në periudha zgjedhore forcat e policisë janë të angazhuar me detyra që lidhem me ruajtjen e sigurisë dhe mbarëvajtjen e procesit zgjedhor, në mënyrë që të krijohet një mjedis i sigurt për çdo qytetar që të ushtrojë të drejtën e votës.

Lidhur me planin e masave të forcave të policisë për të parandaluar dhunën gjatë procesit zgjedhor, Lamallari theksoi se një rol të rëndësishëm kanë qytetarët, të cilët duhet të distancohen nga aktet  e dhunës, apo nga deklarata të dhunshme të kandidatëve politik.

Zëvendësministri i Brendshëm tha se është e rëndësishme që çdo përfaqësues politik, të tregohet i përmbajtur dhe çdo deklaratë duhet të jetë konform ligjit për një demokraci më të shëndoshë, ku ftuesi del nga programet politike dhe jo nga dhuna apo retorika.

Ndërkohë, Policia e Shtetit ka nisur punën përgatitore për zgjedhjet e 25 prillit, ku gjatë disa takimeve me përfaqësinë e OSBE-se dhe Komisionin Qendror të zgjedhjeve, u është kërkuar angazhimi maksimal nga strukturat e policisë për të mbajtur larg krimin në këtë fushatë.

Para zgjedhjeve, të gjithë punonjësit e policisë të aktivizuar me detyra në procesin zgjedhor, do të pajisen me Librin e Kujtesës së efektivëve i cili po botohet në bashkëpunim me OSBE-në.





Lajmet e fundit nga