web counter
LEXO PA REKLAMA!

SHKARKO APP

App Store
Google Play

Humbja e regjisorit Gjonaj/ Djali i artistit prek me dedikimin: Ishte idhulli im

28 Shkurt 2021, 20:38, Kulturë CNA

Mbrëmjen e sotme ka ndërruar jetë për shkak të Covid-19 skenaristi dhe regjisori i mirënjohur Kujtim Gjonaj, në moshën 74-vjeçare.

Për humbjen e tij ka bërë një dedikim edhe djali i artisti Genti Gjonaj, i cili tregon se e kishte idhull të atin dhe e cilëson si një baba apo gjysh të mirë dhe të urtë.

Ai rrëfen se regjisori humbi jetën në spitalin ?Shefqet Ndroqi?, ndërsa deklaron se ceremonia e varrimit do të bëhet nesër në Sharrë.

?Kujtim Gjonaj, babai im, idhulli im, gjyshi i urtë dhe i dashur i fëmijëve të mi, i fëmijeve të motrës, Valbona, dhe vëllait Martin, ndërroi jetë qetësisht në spitalin ?Shefqet Ndroqi?. Kaloi me dinjitet shumë peripeci shëndetësore, shumë vështirësi jetësore, dha shumë në jetë, me dijen e vet, humanizmin, vlerat e pamata, por sot në 18.30 datë 28 shkurt 2021, u nda nga kjo jetë.

Ne, femijët e tij, miqtë e tij do t?i japim nesër një strehë tjetër, pranë prindërve të vet që i deshi aq shumë. Ceremonia e varrimit do të jetë nesër në orën 14.00, në Sharrë, duke u nisur nga shtëpia e funeralit Alba, tek Medreseja.

Nderimet për të, në një moment të dytë dhe gjithë jetën.

Me peshën e një kumti kaq të dhimbshëm, ju falënderoj për mesazhet e ngushëllimit… Ju ardhshim për gëzime…?, shkruan Genti Gjonaj në rrjetet sociale./ CNA.al





Lajmet e fundit nga