web counter
LEXO PA REKLAMA!

SHKARKO APP

App Store
Google Play

“Vaksinimi në Korçë është lajm i mirë por...”/ Andi Përmeti thirrje qeverisë: Na kurseni propagandën

27 Shkurt 2021, 15:48, Politikë CNA

Ditën e sotme ka nisur vaksinimi i bluzave të bardha në Korçë, ku të pranishëm ishin ministrja e Shëndetësisë Ogerta Manastirliu, Silva Bino dhe drejtuesi politik i këtij qarku Niko Peleshi. Deputeti Andi Përmeti ka reaguar, duke u shprhur se ky është një lajm i mirë por ka kërkuar nga autoritetet që ta kursejnë propagandën.

Përmes një postimi në rrjetin social, Përmeti ka nxjerr komentin e një infermieri nga Korça që punon ën Gjermani, i cili shprehet se atje ai ka marrë dozën e dytë të vaksinës dhe kjo ka ndodhur pa praninë e banerave apo të kamerave. Infermieri thekson se erdhën dy infermiere dhe një mjek, të cilët pasi kryen procein e vaksinimit u larguan.

Referuar këtij komenti, Përmeti shprehet se vendi po drejtohet nga një qeveri fasadash dhe propagande, duke shtuar se deri tani nuk ka bërë asgjë më shumë sesa detyrën që i takon, duke kërkuar që gjatë procesit të vaksinimit të ketë vetëm mjekë dhe infermierë pa kamera dhe banera.

?Na kurseni propaganden!

Me lajmim e mire te fillimit te vaksinimit ne Korce me doli para nje koment i Ligor Gulka , ish kryeinfermier në Korçë, tashme ndihmës infermier në Vienenburg Gjermani. Komentin e tij po e citoj me poshte:

” Unë po ndjehem si legen tani. Sot bëra dozën e dytë të vaksinës dhe nuk kishim as banera, as ministra, as foto për fb. Erdhi 1 doktor me 2 infermiere te puna, na vaksinuan të gjithëve nja 200-300 veta për 3 orë dhe ikën. Sikur bëra vaksinën e fruthit mu duk.”

Nje koment kuptimplote rreth fillimit te vaksinimit ne Korce, i cili ne vetvete eshte nje lajm i mire pavarsisht numrit te paket te vaksinave por, me mire pak sesa aspak. Por neqoftese vaksinat ishin pak, banerat promovues ishin teper dhe po teper ishin edhe ministrat, deputetet, kamerat dhe fotografet. Sepse kjo eshte nje qeveri fasadash dhe propagande. Nuk ka bere asgje me shume sesa detyren dhe ata nuk e ka bere sic duhet prandaj na kurseni banerat, ministrat, deputetet dhe kameramanet. Na mjaftojne doktoret dhe infermieret?, shkruan Përmeti./CNA.al





Lajmet e fundit nga