web counter
LEXO PA REKLAMA!

SHKARKO APP

App Store
Google Play

E fundit!

x

Denoncon Këlliçi/ Familja Billa në rrugë, i është prishur banesa në mënyrë të paligjshme

26 Shkurt 2021, 21:18, Politikë CNA

Kreu i Forumit Rinor të Partisë Demokratike, Belind Këlliçi, ka denoncuar prishjen e jashtëligjshme të banesës 3-katëshe të Haxhi Billës në Unazën e Re.

Ai tregon se në këtë banesë jetonin 21 anëtarë të familjes, të cilët sipas tij nuk kanë përfituar në asnjë moment nga bonusi i qirasë.

Këlliçi deklarojn se kjo familje  është lënë në mes të katër rrugëve , pasi banesa i është prishur, ndonëse Autoriteti Rrugor Shqiptar ka verifikuar rastin dhe ka rezultuar se banesa nuk do të shembej.

?Bisedova me Z. Haxhi Billa, lidhur me prishjen e jashtëligjshme të banesës së tij 3-katëshe në Unazën e Re. Në këtë banesë jetonin 21 anëtarë të familjes, të cilët nuk kanë përfituar në asnjë moment nga bonusi i qirasë. Banesa ishte e dokumentuar dhe nuk parashikohej prishja e saj në projektin e Unazës së Re.

Vetë Billa i është drejtuar Avokatit të Popullit, ku pasi është verifikuar rasti me Autoritetin Rrugor Shqiptar, ka marrë përgjigjen se banesa e tij nuk do të shembej. E kundërta ndodhi dhe banesa u shemb me një telefonatë, duke lënë në mes të katër rrugëve 6 kurora të familjes Billa. Ndryshe nga sa trumbetohet për bonusin e qirasë, familjarët e tij paguajnë gjithçka nga xhepi i tyre. Ky është realiteti që të gjithë duhet të shohin dhe ta ndryshojnë me votë, më 25 prill?, shkruan ai në rrjetet sociale, krahas një videoje me qytetarin./ CNA.al





Lajmet e fundit nga