web counter
LEXO PA REKLAMA!

SHKARKO APP

App Store
Google Play

E fundit!

x

Integrimi në BE/ Shqipëria sytë nga Holanda

26 Shkurt 2021, 17:21, Politikë CNA

Holandezët do t?i drejtohen kutive të votimit në datën 17 mars për të rinovuar parlamentin. Por duket se shumë e interesuar për rezultatin e zgjedhjeve në këtë është edhe qeveria shqiptare.

Holanda ka qenë barriera më e madhe për çeljen e negociatave mes Shqipërisë dhe Bashkimit Europian. Parlamenti i dominuar nga të djathtët ka qenë vazhdimisht skeptik mbi përmbushjen e kushteve nga ana e Shqipërisë.

Në qershor të vitit 2019, 105 deputetë të parlamentit holandez, nga 150 deputetë gjithsej votuan kundër hapjes së negociatave të anëtarësimit për Tiranën. Partia që ka shumicën në parlamentin holandez është partia e qendrës së djathtë e kryeministrit aktual Mark Rutte.

Por sondazhet paraprake nuk japin shumë shpresë për një mazhorancë të re që do të kishte një tjetër qasje ndaj Shqipërisë.

Madje, sipas projeksioneve paraprake, pritet që zgjedhjet e 17 marsit t?i forcojnë pozitat e mazhorancës së Rutte. Ndërsa partia e dytë pritet që të jetë Partia e Lirisë, e cila është një parti që njihet më shumë për tendencën e saj anti-islamike, gjë e cila nuk përben sërish një lajm të mirë për Shqipërinë, për shkak të shumicës së popullsisë myslimane.

Forcat e majta në Holandë kanë pësuar humbjet më të mëdha elektorale gjatë dekadës së fundit dhe nuk pritet të ringrihen as në zgjedhjet e marsit./Euronews





Lajmet e fundit nga