web counter
LEXO PA REKLAMA!

SHKARKO APP

App Store
Google Play

E fundit!

x

Pesë kandidatët e Lulit për ministër të Brendshëm

27 Shkurt 2021, 11:41, Politikë CNA

Oreksi vjen duke ngrënë thotë populli. Kështu ndodh edhe me disa personazhe politike, sa më shumë të kërkosh dhe ëndërrosh aq më shumë mund të fitosh.

Ende pa u zhvilluar zgjedhjet, kandidatët e PD, por edhe aleatët e Lulzim Bashës kanë shpallur vendet ministrore që do kërkonin menjëherë pas fitores në zgjedhje, por edhe vetë kjo e fundit është ëndërr. Edi Paloka është një nga emrat që pretendon të jetë ministër i Brendshëm pas 25 prillit. Nën/krytari i PD, ish-gazetar tani politikan prej shumë vitesh ëndrrën e tij kryesore ka karrigen e ministrit të Brendshëm dhe nuk ka faj. Kur u bë Flamur Noka pse mos bëhet Edi Paloka.

Një pretendent tjetër që kërkon karrigen e ministrit të brendshëm është Enkelejd Alibeaj, ish ministër Drejtësie, njeriu që në shumë dalje publike ka denoncuar krimin dhe lidhjet e tij me politikën. I ka shfaqur shpesh preferencat e tij për postin e ministrit të Brendshëm. Gara duket se do jetë e fortë. Një emër tjetër që pretendon Ministrin e Brendshëm është edhe Ervin Salianji, i dosjes Babale. Ai e quan atë denoncimin e shekullit megjithëse gjykata e ka dënuar si manipulator. Salianji pretendon të jetë ministër i Brendshëm edhe si besnik i paepur i Lulzim Bashës, që me ëndrrën e tij kryeministrore ndez dhe ëndrrat e Salianjit.

Një emër tjetër i rëndësishëm që pretendon këtë post është edhe Monika Kryemadhi e cila së fundi ka deklaruar se pas 25 prillit do bëhet ministere e Brendshme, nuk dihet a ka dakordësi me Lulin për këtë post, por veç tij Mona duhet të dakordësohet edhe me burrin e saj. Ilir Meta është një emër tjetër që kërkon këtë post, ai e ka deklaruar publikisht se mund të lejë mandatin e presidentit dhe të bëhet ministër i Brendshëm.

Ndoshta e kanë vendosur si familje ta marrin atë ministri, por së pari duhet të fitojnë zgjedhjet dhe përballojnë rivalët e mësipërm. Ka dhe shumë emra të tjerë që ëndërrojnë të jenë ministra të Brendshëm, por nuk e kanë shfaqur hapur ambicen e tyre, dikush me të drejtë kur shikon këta emra ka të drejtë të pretendojë, fundja ëndrra janë./CNA.al





Lajmet e fundit nga