web counter
LEXO PA REKLAMA!

SHKARKO APP

App Store
Google Play

Sondazhet/ Bardhi debat me Minxhozin: Socialistët mezi presin 25 prillin, do largojnë Ramën

25 Shkurt 2021, 21:28, Politikë CNA

Sekretari i Përgjithshëm i PD, Gazment Bardhi, ka debatuar mbrëmjen e sotme për disa pyetje dhe qëndrime kritike ndaj opozitës.

Në një përplasje me Skënder Minxhozin për sondazhet, Bardhi deklaroi se fryma e fitores jo vetëm ekziston, por sipas tij është shumë e prekshme kudo në terren.

Bardhi i tha Minxhozit se mjafton të vijë një ditë në Elbasan ku ai gjendet çdo ditë, për të parë se si edhe socialistë të ndershëm, mezi po presin 25 prillin për të shprehur pakënaqësinë e tyre ndaj qeverisjes.

Sa i përket sondazheve, Bardhi u shpreh se një shifër e rëndësishme nuk merret parasysh, që janë ata që nuk preferojnë të përgjigjen. Ai pretendon se 30% e tyre janë logjikisht jo me qeverinë, pasi druhen prej saj.

?Për të parë frymën duhet të jemi në terren. Në Elbasan jo vetëm ka frymë për ndryshim, por takoj çdo ditë socialistë të ndershëm që mezi presin 25 prillin. 87% e shqiptarëve duan ndryshim, 81% janë më të pakënaqur me qeverinë, ka edhe elektorat që nuk e tregon votën ndryshe nga ata që e tregojnë hapur.

Ne nuk jemi ndarë nga LSI kemi zgjedhur taktikë elektorale që në pjesën dërrmuese të garojmë me dy lista që të maksimalizojmë votat, përfshirë edhe socialistët e mërzitur janë shumicë dërrmuese. Ka edhe qarqe ku do hyjmë me listë të përbashkët, pas 25 prillit dalim koalicion qeverisës?, deklaroi demokrati./ CNA.al





Lajmet e fundit nga