web counter
LEXO PA REKLAMA!

SHKARKO APP

App Store
Google Play

“PD i la rrugëve asetet”/ Rama thumbon Bashën: Ne po i marrim brenda PS në kohën e duhur

25 Shkurt 2021, 16:58, Politikë CNA

Kryeministri Edi Rama, nga qyteti i Beratit ka zhvilluar takime me bizneset, e vendosi theksin tek ndihma ndaj tyre me anë të tatim fitimit dhe TVSH zero.

Kreu i qeverisë shprehu optimizmin se sezoni i verës do e gjejë shumicën e vendit të çliruar nga ankthi i infektimeve.

?Shpresoj të kemi së shpejti lajmet e mira për rritjen e dozave të vaksinave e të intensifikojmë vaksinimin e të bëjmë çmos që në sezonin e verës një pjesë e madhe e Shqipërisë të jetë e çliruar nga ankthi i infektimit. Me ndihmën e Zotit sezoni turistik të ketë një lehtësim për pjesën më të madhe është luftë e madhe, ti je dhe vetë tregtar, e di, por kjo tregtia e vaksinave qenka një tmerr. Po bëjmë çmos, unë kam besim se po i afrohemi.

70% e prodhimit të vaksinave i zotërojnë 10 shtete vetëm, megjithatë ne nuk dorëzohemi. Kur je i gjatë e ke të vështirë të pranosh qe mund të rrish në radhë e të dorëzohesh pavarësisht se ky është një vend i vogël, por në këtë rast gjatësia ndihmon?, tha Rama.

Rama sakaq thumboi edhe PD-së,  kur komentoi kryetarin e Bashkisë se Beratit, Ervin Demon, ku e cilësoi këtë të fundit si aset që u la rrugëve nga demokratët dhe tani po zhvillohet brenda kampit të PS.

?Ervin Demon, ia morëm PD-së këtë. E di si është puna? PD-ja i la rrugëve asetet, tani në ca asete i kemi marrë, por i kemi marrë në kohë, jo nga ato që janë të pa vëmendshëm në punë. Ketë e kemi gjetur aset në zhvillim, e kemi marrë e po zhvillohet brenda PS-së?, u shpreh Rama./CNA.al





Lajmet e fundit nga