web counter
LEXO PA REKLAMA!

SHKARKO APP

App Store
Google Play

PD zgjeron koalicionin, Bamir Topi bashkohet me “Aleanca për Ndryshim”

24 Shkurt 2021, 15:52, Politikë CNA

Partia Demokratike në zgjedhjet e 25 prillit do të ketë në koalicion një listë të gjatë partish. Koalicioni i quajtur ?Aleanca për Ndryshim?, do të ketë në përbërje dhe partinë e ish-Presidentit, Bamir Topi, Fryma e Re Demokratike.

Gjithashtu në përpjekje për të maksimalizuar votën, Lulzim Basha ka afruar dhe Ballin Kombëtar Demokrat, edhe pse kryetari i kësaj partie shkeli vendimin për të djegur mandatet.

Ndërsa Basha ia ka dalë që të bëjë pjesë të koalicionit FRD-në e Topit, më vete në këto zgjedhje do të garojnë Bindja Demokratike e Astrit Patozit dhe Lëvizja për Ndryshim e Jozefina Topallit.

Deri në orët e vona të së mërkurës, kur edhe përfundon afati i fundit, lideri opozitar do të zhvillojë takime me krerët e partive aleate për të përcaktuar detajet e bashkëpunimit.

Aleatët e PD do të kenë kandidatë të përfshirë në listën e përbashkët. Deri tani është vendosur që kreu i PAA, Agron Duka do të jetë i dyti në Durrës, raporton gazetari Renaldo Salianji.

Ndërsa kreu i LZHK-së, Dashamir Shehi do të jetë në pjesën e emrave të sigurt në listën e Qarkut të Tiranës. Një vend të garantuar do të ketë edhe PDK e Nard Ndokës.

Ndërkohë PR e Fatmir Mediut ende nuk dihet se sa kandidatë do të jetë në pjesën e sigurt, gjithashtu as për PDIU nuk ka ndonjë vendim.

Kreu i PDIU, Shpëtim Idrizi thotë se partia e tij ka 50 mijë vota dhe ato duhet të përkthehen në mandate.

Afati i fundit për regjistrimin e koalicioneve në zgjedhjet e 25 prillit është mesnata e së mërkurës dhe ai autorizuar për të dorëzuar listën pranë KQZ për PD është Ivi Kaso./euronews





Lajmet e fundit nga