E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Problemi nuk është Bamiri!

25 Shkurt 2021, 09:52, Politikë CNA

Lulzim Basha dhe mediat pranë tij shpallën si fitore të madhe dje firmosjen e marrveshjes me Bamir Topin dhe FRD-në e tij.

Një lëvizje që pritej, por e mbajtur konfidente deri në momentet e fundit. Topi do ishte pjesë e koalicionit opozitar pasi shumë nga eksponentët e partisë së tij e kishin braktisur dhe ishin rikthyer në PD si Gazmend Oketa apo Aleksandër Biberaj etj.

Rikthimi i Topit në PD, i cilësuar nga Sali Berisha si horri i bulevardit pas ngjarjeve të 21 janarit 2011, bën bashkë për herë të parë partinë e ish-presidentit me PD. Ka edhe një detaj tjetër, që në disa qarqe mediatike Bamir Topi quhet si dhurata e Agron Papulit për Lulzim Bashën. Kreu i PD është akuzuar shpesh se ka blerë dy vila luksoze në Long Hill një zonë rezidenciale e ndërtuar nga Papuli i cili është edhe krushku i Bamir Topit.

Rikthimi i Topit duket si shpresë e madhe, por në fakt duket se ai nuk ka qenë problem i vërtetë për zgjedhjet e pritshmëritë e 25 prillit. Për këtë le të shohim rezultatet zgjedhore sipas votimeve parlamentare që pas krijimit të FRD.

FRD e Bamir Topit në zgjedhjet e 2017, ka në rang vendi vetëm 5100 vota, as gjysëm mandati deputeti nga të cilat 1700 janë në Tiranë.

Në zgjedhjet e vitit FRD ka 29 mijë vota, partia e tij në atë kohë ishte kundër Berishës, dhe kishte shumë eskponentë dhe elementë që Basha i kishte larguar nga Topi.

Zgjidhja për të thirrur Bamirin dhe çdo forcë të djathtë në koalicion është për tu përshëndetur, por kjo kur mbledh çdo rrymë dhe faktor të së djathtës pasi ke rregulluar shtëpinë tënde.

Lulzim Bashën nuk e shpëtojnë dot 5 mijë votat e Topit në 2017 apo ato anti-Berishë të 2013-ës, sepse Bashën po e zë çatia e tij brenda, se ajo e Bamirit ishte shembur me kohë.

Janë disa flukse të tjera opozitare që nga Lëvizja e zonjës Topalli, Bindja e Astrit Patozit, PLD e Murrizit, Nisma Thurje, por edhe disa parti të tjera që kanë eksponentë që mund të marrin vota, pavarësisht se mund të mos kapin mandate që janë problemi i vërtetë i PD dhe jo Bamiri.

Të mos bashkosh dot partinë që drejton, të nxjerrësh përballë me apo pa dashje 3 parti opozitare që kanë peshë specifike jo vetëm për emrat e drejtuesve të tyre, dhe tju vesh përballë Bamirin, horrin e bulevardit si shpëtim, këtë vetëm Lulzim Basha mund ta shpallë si zgjidhje të problemit. Në fakt problem nuk është Bamiri, por disa parti opozitare dhe flukset e kritikëve brenda PD.

/CNA.al