web counter
LEXO PA REKLAMA!

SHKARKO APP

App Store
Google Play

Nevil Dede: Vllaznia i bën vetë gabimet, Partizani është si një fëmijë

23 Shkurt 2021, 07:59, Sport CNA

Ish-trajneri i Tiranës, Nevil Dede, mendon se Vllaznia po gabon në këto momente vetë gjithçka duke lënë pikë rrugës. Në studion e ?Pressing?, ish-trajneri deklaroi se shkodranët kishsin gabuar me ndryshimet në formacion dhe se nuk po menaxhonin si duhet lojtarët që kishin në dispozicion.

?Vllaznisë po i ndërrove formacionin, nuk është më ajo e zakonshmja. Nuk po menaxhojnë formën e lojtarëve që kanë, nuk do të thotë që nuk po luajnë. Ata ishin në vështirësi, por në fund mund të fitonin se i kishin rastet. Vllaznia po gabon me kundërshtarë dhe Teuta e Partizani nuk po gabojnë me të tjerët. Ajo po gabon me çdo kundërshtar që po i del përpara dhe kjo është diferenca.

Bënë edhe ecurinë që sulmuesin që deri tani ka qenë titular, po e lënë pushim, po bëjnë ?refresh? për frymëmarrje, e fusin në fushë e shënon. Nuk mund të bësh eksperimente. Nëse nuk e quajnë veten pretendentë për titull, atëherë pranojmë gjithçka e ne grijmë sallatë kot.

Nuk kanë luajtur më çdo tre ditë, tani që kanë kohë e luajnë javë pas jave, me cikël të plotë, i kanë munguar shtyllat kryesore te eklpit. Kur shkon në ndeshje dhe lë sulmuesin kryesor pushim, kjo nuk ka sens për mua. Mendoj se Vllaznia po i bën vetë gabimet, nuk ia ka fajin askush.

Partizani po rritet gradualisht, është si një fëmijë që nga klasa e para do të shkojë në gjimnaz dhe do i marrësh shkallët një nga një?, tha Dede.





Lajmet e fundit nga