web counter
LEXO PA REKLAMA!

SHKARKO APP

App Store
Google Play

E fundit!

x

Dvorani injoron Metën/ Nuk i komentoj deklaratat e tij

23 Shkurt 2021, 20:05, Politikë CNA

Ardian Dvorani ka reaguar pasi DASH e cilësoi si një nga 12 personalitet në botë që kanë luftuar korrupsionin.

Dvorani tha se ndihet i nderuar dhe krenar për këtë vlerësim, ndërsa u pyet edhe për deklaratën e presidentit Ilir Meta, i cili foli për mafie ndërkombëtare.

Ish-kreu i KED-së nuk pranoi të komentojë Metën, ndonëse tregoi se e ka lexuar reagimin e tij.

?Reagimet e personave të cilido qoftë do i lexoj po nuk kam ndërmend të bëjë komet për to. Mafia ndërkombëtare është diçka e pa komentueshme, ajo që mua më intereson është vlerësimi që kanë bërë SHBA për personin tim duke më bërë të ndihem krenar për veten dhe shumë kolegë të mi, të tjerat nuk kanë asnjë rëndësi?, u shpreh ai në Repot Tv.

Më tej, Dvorani është pyetur edhe për përplasjet me presidentin për videon e Dritan Priftit, ku doli kundër pafajësisë së Ilir Metës, si dhe përplasjet për Gjykatën Kushtetuese.

Ai pretendon se për këto çështje ka bërë vetëm detyrën e tij sipas kuptimit që kanë pasur për ligjin, pa u ndikuar nga askush.

?Unë gjithmonë kam bërë detyrën time, gjithmonë se më shumë se 15 vite në gjyqësor kamë mbajtur të njëjtin standard për këdo i fuqishëm apo i zakonshëm qoftë, kjo është e vetmja gjë që duhet të bëjë një gjyqtar, që të gjykojë çështjet sipas ligjit, pavarësisht interesave në lojë dhe pavarësisht personave të përfshirë në çështje që ke për të gjykuara. Çështjet nuk i zgjedhim ne na bien me short. Kam bërë detyrën tim sipas kuptimit që kanë pasur për ligjin pa u ndikuar nga askush?, nënvizoi Dvorani./ CNA.al





Lajmet e fundit nga