E fundit!

11:34 Politikë

Përplasje për reformën zgjedhore, PS merr vendimin e vetme

Procesi i reformës zgjedhore do të vijojë edhe në muajt e ...

Nesër afati i fundit i regjistrimit në KQZ/ Çfarë po ndodh në kampin opozitar

23 Shkurt 2021, 16:47, Politikë CNA

Zgjedhjet e 25 prillit janë një betejë e fortë mes partive politike në vend.

Partia Socialiste, e cila prej tetë vitesh është në pushtet është duke kërkuar mandatin e tretë qeverisës, dhe ashtu siç ka deklaruar kryetari i kësaj partie Edi Rama, nuk do të kenë asnjë aleancë tjetër politike.

PS po kërkon që edhe mandatin e tretë të qeverisë e vetme, sicc bëri me mandatin e dytë. Kësaj partie i janë bashkuar edhe disa emra të njohur të politikës që janë larguar nga LSI, por edhe një pjesë e deputetëve të opozitës parlamentare.

Por duke qenë se PS është e vendosur që do të hyjë e vetme në zgjedhje, e gjithë vëmendja është përqëndruar në kampin opozitar. Partia Demokratike dhe Lëvizja Socialiste për Integrim, pas ribashkimit duket se dhanë ?divorc? nga njera-tjetra, duke kandiduar më vete në zgjedhjet parlamentare.

Në selinë blu, po vijojnë ende negociatat mes kreut të PD Lulzim Basha dhe aleatëve të tij.

Mësohet se PD është dakordësuar me të gjithë aleatët për koalicionin zgjedhor, për të qenë në një listë. Në këto pak orë të mbetura i duhet kryedemokratit Lulzim Basha të mbyllë negociatat me republikanin Fatmir Mediu, pasi ende nuk kanë dakordësi, për numrin e kandidatëve për deputetë të PR-së, që do të jenë në listën e Partisë Demokratike. LSI mësohet se do të dalë me një listë të saj, por në ato qarqe ku nuk mund të prodhojë një mandat deputeti, do të mbështesë listën ?Basha?.

Po ashtu, Basha ende nuk ka arritur një marrëveshje edhe me kreun e PDIU Shpëtim Idrizi.

Ndërsa me Agron Dukën, Nard Ndokën dhe Dashamir Shehin Basha i ka mbyllur negociatat, duke u dhënë atyre një vend të sigurt në listat e PD.

Ndryshimet në Kodin Zgjedhor, saktësojnë procesin e regjistrimit të koalicioneve zgjedhore në KQZ. Neni 65 i ligjit elektoral, sanksionon se dy ose më shumë parti politike të regjistruara si subjekte zgjedhore në KQZ, mund të regjistrohen si koalicion zgjedhor në shkallë vendi, jo më vonë se 60 ditë përpara datës së zgjedhjeve. Ndërkohë që një subjekt politik pjesë e një koalicioni, nuk mund të marrë pjesë në një koalicion tjetër dhe as të paraqesë kandidatë apo listë shumë emërore kandidatësh jashtë koalicionit ku ajo bën pjesë.

?Në momentin e regjistrimit, koalicioni duhet të deklarojë partinë politike udhëheqëse të tij. Marrëdhëniet midis partive pjesëtare të koalicionit dhe detyrimet reciproke midis tyre rregullohen në marrëveshjen, e cila është pjesë e dokumentacionit që depozitohet në KQZ?, saktëson Kodi Zgjedhor.

Por ligji rregullon edhe marrëdhënien e partive pjesë e një koalicioni, sa i takon listës së kandidatëve për deputetë. Neni 67 i Kodit shprehet se lista e partive apo koalicioni, depozitohet në jo më vonë se 50 ditë para datës së zgjedhjeve. Kandidatët për deputetë mund të regjistrohen vetëm në një prej 12 qarqeve të vendit. Përjashtim nga rregulli bën vetëm kryetari i partisë apo i partisë udhëheqëse të koalicionit, të cilit ligji i lejon të kandidojë deri në 4 qarqe njëherësh./CNA.al