E fundit!

22:44 Aktualitet

Eric Wendt një hap larg emërimit/ Komiteti i Senatit voton pro gjeneralit si ambasador i SHBA-së në Shqipëri

Komiteti për Marrëdhëniet me Jashtë i Senatit amerikan ka ...

Situata nga Covid/ Konduzi: Rama ka dështuar në menaxhimin e pandemisë

23 Shkurt 2021, 16:17, Politikë CNA

Eksperti i shëndetësisë në Partinë Demokratike, Gazment Koduzi, ka bërë një panoramë të përgjithshme situatës së pandemisë në vendin tonë.

Koduzi thekson se kosto e një familje që ka të afërmin e tyre të infektuar me COVID-19 është tepër e madhe.

Eksperti tregoi se një bombël oksigjeni prej 8 litrash kushton 13,000 lekë dhe për 4 anëtarë duhet të vini mënjanë rreth 800 mijë lekë për të përballuar trajtimin kundër COVID-19.

?Korona virusi nuk është problemi i Shqipërisë. Rama është problemi i Shqipërisë. Për shkak të menaxhimit të dështuar të Ramës dhe qeverisë së tij, qytetarët shqiptar po vuajnë jo vetëm nga COVID-19 por edhe nga kolapsi ekonomik për shkak të çmimeve të papërballueshme testeve dhe ilaçeve në vend.

Mijëra familje shqiptare po vuajnë jo vetëm nga sëmundja COVID-19 por edhe nga kostot e konsiderueshme që lidhen me blerjen e pajisjeve farmaceutike ose për kryerjen e testeve.

Sipas të dhënave që publikuan dje, testet diagnostifikuese arrijnë një kosto prej 35-70 mijë lekë të reja me një mesatare prej 41 mijë lekësh. Një pjesë e madhe e pacientëve të trajtuar në shtëpi kanë nevojë jo vetëm për ilaçe, por edhe për shërbime infermierie, si dhe shërbime të furnizimit me oksigjen për pacientin, për të cilat është krijuar një treg privat.

Një bombël oksigjeni prej 8 litrash kushton 13,000 lekë. Kostoja e shërbimit të infermierit në Tiranë ka shkuar deri në 10,000 lekë në ditë. Në rastet kur e gjithë familja është e infektuar, kostot shumëfishohen. Për 4 anëtarë duhet të vini mënjanë rreth 800 mijë lekë për të përballuar trajtimin kundër COVID-19?, shprehet Konduzi.

Më tej, eksperti i shëndetësisë në PD thekson se prej tetë vitesh Rama po e mundon Shqipërinë dhe po dështon në çdo fushë, duke shtuar se në sistemin e shëndetësisë rrënimi është më i dukshëm. Sipas tij, çmimi i ilaçeve është rritur dhe në këto kohë të vështira shumë shqiptarë nuk kanë mundësi të kurohen.

?Sipas statistikave botërore, 10% e njerëzve të prekur nga Covid kanë nevojë për kujdes spitalor. Shkalla e shtrimit në spital në Shqipëri është vetëm 3%, që sugjeron që një numër i konsiderueshëm i pacientëve qëndrojnë në shtëpi, kur ata duhet të shtrohen në spital. Prej 8 vitesh Rama po e mundon Shqipërinë dhe po dështon në çdo fushë. Në ekonomi, në politikën e jashtme, në emigrim. Po ashtu në fushën e shëndetësisë.

Njerëzit e mrekullueshëm të Shqipërisë kanë nevojë për ilaçe që janë shumë të shtrenjta sepse Rama nuk i ka ulur çmimet e ilaçeve. Çmimet e barnave janë rritur vetëm gjatë 8 viteve të fundit. Rama dhe qeveria e tij nuk mund të vazhdojnë të menaxhojnë këtë krizë sepse ata kanë dështuar në gjithçka që kanë bërë në 8 vitet e fundit?, u shpreh Koduzi./CNA.al