E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

Studimi/ Temperaturat e ulëta sjellin një transmetim më të lartë të Covid-19

20 Shkurt 2021, 09:14, Lifestyle CNA

Pandemia e SARS-CoV-2, ka shkaktuar deri tani më shumë se 2.3 milion të vdekur në të gjithë botën. Kuptimi i ndikimit të ndryshimeve sezonale të temperaturës në transmetimin e virusit, është një faktor i rëndësishëm në zvogëlimin e përhapjes së virusit në vitet që vijnë.

SARS-CoV-2 i, përket një familje të madhe të koronavirusëve njerëzorë, shumica e të cilave karakterizohen nga transmetimi i rritur në muajt më të ftohtë, më pak të lagësht të vitit, si nga një transmetimi i zvogëluar në muajt e ngrohtë dhe më të lagësht. Me këtë kuptim, studiuesit në Shkollën e Mjekësisë së Universitetit Xhon Hopkins, Qendrës së Përbashkët të Inteligjencës Artificiale të Departamentit Amerikan të Mbrojtjes, dhe të tjerë teorizuan se temperatura atmosferike ndikon në transmetimin e SARS-CoV-2.

Studiuesit krahasuan të dhënat ditore të temperaturave të ulëta, dhe regjistruan rastet me Covid-19 në 50 vende në Hemisferën Veriore midis 22 janarit dhe 6 prillit 2020. Kërkimi i tyre, i botuar këtë javë në PLOS ONE, tregoi se kur temperaturat u rritën, shkalla e rastet e reja të me Covid-19 u ul. Analiza e të dhënave, tregoi se midis temperaturave -1 dhe 38 gradë Celcius, një rritje me 0.5 gradë e temperaturës më të ulët ditore, shoqërohej me një rënie prej 1 për qind të shkallës së rritjes së rasteve me Covid-19. Duke analizuar të dhënat që në fillim të pandemisë, rezultatet u morën pa u ndikuar shumë nga bllokimet, mbajtja e maskave apo përpjekjet e tjera për ta frenuar përhapjen e virusit.

?Megjithëse Covid-19, është një sëmundje infektive, që do të ketë një transmetim jo të varur nga temperatura, hulumtimi ynë tregon se ajo mund të ketë gjithashtu një element sezonal?- tha Aruni Batnagar, bashkautor i studimit.

?Sigurisht, efekti i temperaturës në shpejtësinë e transmetimit, ndryshohet nga ndërhyrjet shoqërore si distancimi social, si dhe koha e kaluar në ambiente të mbyllura dhe faktorë të tjerë. Një kombinim i këtyre faktorëve, përcakton përfundimisht përhapjen e COVID-19?-shton ai.

Studiuesit arritën në përfundimin se muajt e verës, shoqërohen me një transmetim të ngadaltë të COVID-19, ashtu si viruset e tjera të frymëmarrjes sezonale. Ky efekt sezonal, mund të jetë i dobishëm në planifikimin lokal mbi ndërhyrjet shoqërore dhe kohën e ringjalljes së virusit. Adam Kaplin nga Universiteti Xhon Hopkins, njëherazi autori kryesor i studimit, thotë se nuk e dimë se për sa kohë vaksinat që janë aktualisht në dispozicion, do ta ruajnë efektshmërinë e tyre, dhe as cilat janë rreziqet e zhvillimit të varianteve të reja me kalimin e kohës.

?Por është e arsyeshme të arrihet në përfundimin, se hulumtimi sugjeron që ashtu si për viruset e tjerë sezonalë, nëse nuk ka një përpjekje globale të bashkërenduar dhe bashkëpunuese për të punuar për t’i dhënë fund kësaj pandemie, SARS-CoV-2 mund të provohet të jetë jashtëzakonisht i vështirë për t?u frenuar me kalimin e kohës?– theksoi ai./CNA.al