web counter
LEXO PA REKLAMA!

SHKARKO APP

App Store
Google Play

E fundit!

x

“Mutacionet rëndojnë situatën”/ Andi Koraqi: Po u shtuan rastet, do ashpërsohen masat

19 Shkurt 2021, 19:01, Lifestyle CNA

Shefi i Laboratorit të Mikrobiologjisë në QSUT, Andi Koraqi, nuk e ka përjashtuar mundësinë që mutacionet e koronavirusit, të përhapura në disa shtete, të kenë ardhur edhe në Shqipëri.

Koraqi tha se Covid-19 është një sëmundje e pabesë, ndërsa theksoi se shtimi i rasteve reflektohet edhe me sëmundshmëri më të lartë.

?Përsa i përket mutacioneve të reja deri në këtë moment nuk i kemi të konfirmuar, por nuk e përjashtojmë dot praninë e mutacioneve të reja. COVID-19 është një sëmundje e pabesë, nuk ka një rregull kë prek, ose ku shfaqet më rëndë apo ku shfaqet më lehtë. Shtimi i rasteve gjithmonë reflektohet edhe me sëmundshmëri më të lartë, edhe me grupmosha më të larta?, u shpreh ai në Report Tv.

Anëtari i Komitetit Teknik të Ekspertëve,  deklaroi se pavarësisht se janë shtuar rastet e të infektuarve, nuk është rritur agresiviteti i virusit.

?Kemi shtim të rasteve por jo agresivitet më të madh të virusit. Do thoja që përgjatë gjithë periudhës së ftohtë, pra sezonit të virozave respiratore, sigurisht situata do të jetë më e rëndë për faktin e kombinimit të COVID-19 me virozat e tjera respiratore?, nënvizoi Koraqi, ndërsa paralajmëroi se nëse do ketë shtim të rasteve, do të shtrëngohen edhe më shumë masat./ CNA.al





Lajmet e fundit nga