web counter
LEXO PA REKLAMA!

SHKARKO APP

App Store
Google Play

Rikthehet Superliga, ja ndeshjet që do të zhvillohen sot

20 Shkurt 2021, 09:07, Sport CNA

Tirana do të presë ditën e sotme në shtëpi Teutën. Bardheblutë kërkojnë të hedhin pas krahëve humbjen ndaj Kukësit dhe në këtë formë të jenë në garë për Europën, si objektivi më i afërt për t?u rritur. Sakaq, kryeqytetasve iu mungojnë disa futbollistë si Torasa, Danso apo edhe Najdovski që ka rezultuar me COVID. Po ashtu i infektuar është edhe trajneri Orges Shehi, i cili është i detyruar të qëndrojë larg skuadrës, që tashmë do të drejtohet nga zëvendësi i tij, Edlir Tetova.

Nga ana tjetër, Teuta është e përfshirë në garën për titull dhe vjen pas dy fitoreve radhazi teksa është në vendin e tretë me shtatë pikë diferencë nga kryesuesit e Vllaznisë. Ndërkohë, një sfidë shumë e rëndësishme është ajo mes Apolonisë dhe Bylis. Dy skuadrat kërkojnë mbijetesën dhe për momentin vendin e play-off e mbajnë fierakët, që shpresojnë ta kenë këtë pozicion edhe pas kësaj sfide në mënyrë që të shkëputen disi nga vendet që të dërgojnë direkt në Kategorinë e Parë. Ndërkaq, ballshiotët vijnë nga një moment shumë negativ me gjashtë humbje radhazi.

Sakaq, sfida tjetër është ajo mes Laçit dhe Kastriotit. Kurbinasit do të vuajnë mungesën e Nuabuezes tashmë që është i pezulluar nga Disiplina, megjithatë Duro dhe të tijtë kërkojnë vazhdimësinë për të ndjekur ëndrrën titull, teksa krutanët janë në një pozicion komod në mesin e tabelës, por që herën e fundit pësuan një disfatë nga Partizani. /VipSport.al/

Ndeshjet:

13:00 Tirana-Teuta

13:00 Laçi-Kastrioti

13:00 Apolonia-Bylis





Lajmet e fundit nga