web counter
LEXO PA REKLAMA!

SHKARKO APP

App Store
Google Play

E fundit!

x

SPAK sekuestron pasurinë e “çmendur” të Edvin Priftit/ Zbulohet shuma marramendëse që iu gjet në shtëpi

11 Shkurt 2021, 18:45, Aktualitet CNA

SPAK ka sekuestruar sot pasurinë e mjekut të njohur kardiokirurg në QSUT, Edvin Prifti, i cili akuzohet për korrupsion pasiv.

Mësohet se mjekut i janë sekuestruar 250 mijë euro dhe 160 milionë lekë, nga të cilat 200 mijë euro dhe 130 milionë lekë të vjetra iu gjetën në banesë dhe shuma prej 50 mijë eurosh dhe 30 milionë lekë të vjetrash në zyrë.

Hetimet ndaj Priftit nisën pasi ai përmendej në përgjimet për dosjen ndaj gjyqtares Enkelejda Hoxha. Ai dyshohet se është i përfshirë në korrupsion që nuk ka lidhjje me çështjen për të cilën po hetohet gjyqtarja.

Edhe infermierja Trendafile Frangu është akuzuar për të njëjtat arsye, ndërsa personi i tretë i ndaluar është Migena Skënderaj, infermiere në QSUT. Të gjithë personat kanë dalë në dosje, pasi është operuar mamaja e njërës nga funksionaret e gjykatës, Manuela Mallkuçi .

Teksa kjo e fundit ishte nën përgjim për lirimin e Saimir Petanit, ajo ka komunikuar me mjekun Prifti dhe i ka dhënë atij para për një operacion jashtë radhe që ai do ti kryente nënës së saj në QSUT.

Kjo ka bërë që prokurori Altin Dumani të nisë një hetim të veçantë dhe për Priftin dhe në përfundim të hetimeve, ndaj tij të vendoset masa e pezullimit nga detyra./ CNA.al

Pezullohet nga detyra mjeku i njohur Edvin Prifti





16:15 Aktualitet

Rroftë Tirja!

Emri i një sanitareje është bërë më i lexuari dhe më i dëgju...

Lajmet e fundit nga