web counter
LEXO PA REKLAMA!

SHKARKO APP

App Store
Google Play

E fundit!

x

Situata e vështirë nga përmbytjet/ Nis evakuimi urgjent në Shkodër

11 Shkurt 2021, 12:27, Kronika CNA

Pas situatës së vështirë të krijuar nga përmbytjet, Forcat e Armatosura kanë ndërhyrë për të ndihmuar banorët për përballimin e kësaj

gjendje.
Trupat dhe mjetet e batalionit të I të këmbësorisë së Vaut të Dejës (b1k) evakuuan 2 familje në lagjen ?Iliria? të qytetit të Shkodrës, të cilat u transportuan për t?u strehuar në konviktin e Universitetit ?Luigj Gurakuqi?. Gjithashtu, trupat dhe mjetet e b1k evakuuan rreth 150 krerë bagëti e imët nga lagjja e njohur si Livadhet pranë bregut të liqenit në qytetin e Shkodrës.

Në njësinë administrative Dajç, trupat dhe mjetet e b1k evakuuan rreth 2000 shpendë nga një fermë private, për t?i dërguar në fshatin Shirq. Në fshatin Obot të njësisë administrative Ana e Malit vijon transporti i banorëve për nevojat e tyre të përditshme nëpërmjet mjeteve lundruese të batalionit të mbështetjes rajonale (BMR) dhe mjeteve të kalueshmërisë së lartë të b1k.

Gjithashtu janë angazhuar në bashkinë e Shkodrës 7 mjete lundruese, të cilat mundësojnë lëvizjen e banorëve dhe janë në gatishmëri për çdo evakuim të mundshëm.

Në të gjithë qarkun e Shkodrës janë 5030 ha sipërfaqe totale e përmbytur, ndërkohë që ka prani të ujit në disa banesa në lagjet e qytetit dhe në njësitë Ana e Malit dhe Dajç./CNA.al

 





Lajmet e fundit nga