web counter
LEXO PA REKLAMA!

SHKARKO APP

App Store
Google Play

“Jemi vonë me vaksinat”/ Mjeku Mezini i ‘tërheq veshin qeverisë’: Me fushata kthehemi në pikën zero

11 Shkurt 2021, 12:08, Lifestyle CNA

Prej ditësh Ministria ka raportuar shifra të larta të infeksioneve me koronavirus dhe pacientët që kanë humbur jetën.

Shifrat e larta të ditëve të fundit sa i përket infektimeve me Covid në vendin tonë, kanë bërë që ministria të ashpërsojë masat.

Lidhur me këtë ka folur sot në ABC news, mjeku i njohur Arjan Mezini, duke u ndalur edhe tek procesi i vaksinave

Mjeku bëri apel që qytetarët të tregohen të kujdesshëm dhe të mos marrin mjekime të shumta pa u konsultuar. Gjithashtu ai theksoi se antibiotikët  nuk parandalojnë virusin, por përkundrazi mund të sjellin edhe efekte negative

?Këshilloj që në momentin që ka mungesë oksigjeni,pacientët të marrin trajtim spitalor. Kur kanë nevojë për pak oksigjen edhe mund ta konceptoj qëndrimin në shtëpi, por kur rritet kërkesa për oksigjen atëherë duhet të trajtohet në spital. Kjo sëmundje pikë kryesore ka mushkërinë, por edhe organet e tjera i prek?, u shpreh Mezini.

Ndërsa u ndal tek riinfektimet me Covid, ai shtoi se nuk paraqiten me forma të rënda.

?Deri tani nuk ka ndodhur distancimi i gripit dhe koronës, pra fokusi është te Covid-19 dhe shumë pak raste janë dëgjuar për gripin stinor.

Duhet të kuptojmë që ai që është infektuar në mënyrë natyrale krijon anti-korpe nëpërmjet dy rrugëve. Besoj që edhe riinfektimet do të jenë forma të lehta dhe duhet të jemi të qartë. Për imunitetin natyral është një garanci dhe antikorpet aty janë.”

Por sa besohet se do të zgjasë kjo situatë? “Nuk e di për Shqipëri sepse jemi vonë për vaksinat, por besoj se nëse ritmi i vaksinës është me ritme të larta në botë atëherë vera mund të na gjejë pak më të qetë.  Tek ne po shkohet me ritme të shpejta tek imunizimi i masës.  Sa i përket masave nga qeveria pres shumë më tepër, jo me fushata që nis dhe rikthehemi po në pikën zero.?/CNA.al

 





Lajmet e fundit nga