web counter
LEXO PA REKLAMA!

SHKARKO APP

App Store
Google Play

E fundit!

x

Strasburgu u mbylli derën të shkarkuarve nga vettingu/Manja: Vendimi nuk ishte surprizë

9 Shkurt 2021, 17:10, Aktualitet CNA

Gjykata e Strasburgut u mbylli sot derën të gjithë të shkarkuarve nga procesi i vettingut në Shqipëri. Vendimi për ish-gjyqtaren e Gjykatës Kushtetuese Altina Xhoxhaj u preu shpresat edhe gjyqtarëve dhe prokurorëve të tjerë që u nxorën jashtë sistemit të drejtësisë.

Për kryetarin e Komisionit të Ligjeve Ulsi Manja, vendimi i Strasburgut nuk ishte surprizë. Ai tha se Strasburgu konfirmoi se procesi është brenda standardeve.

?Në fakt për mua vendimi i Strasburgut nuk ishte surprizë, konfirmoi drejtësinë e procesit të vettingut që po zhvillohet në Shqipëri. Në Strasburgut subjekteve të larguara u është garantuar e drejta e ankimimit për proces të rregullt dhe Strasburgu çekoi standardet me garantimin e procesit të rregullt ligjor.

Reforma në drejtësi është konceptuar si kushtetuese dhe ligjore. Draft ndryshimet shkuan dy herë në Komisionin e Venecias. Procesi është brenda standardeve. Strasburgu tha që KPA është instancë gjyqësore? deklaroi Manja në “ABC News”.

Gjykata Europiane për të Drejtat e Njeriut e cilësoi si të ligjshëm shkarkimin nga detyra të anëtares së Gjykatës Kushtetuese nga vettingu./CNA.al





Lajmet e fundit nga