web counter
LEXO PA REKLAMA!

SHKARKO APP

App Store
Google Play

E fundit!

x

Në “arrest shtëpie” Mimoza Margjeka akuzon SPAK/ Ka falsifikur dosjen, ja pse jam nën hetim

8 Shkurt 2021, 20:39, Aktualitet CNA

Gjyqtarja Mimoza Margjeka ndodhet në ?arrest shtëpie? për shkak se nga përgjimet e Prokurorisë së Posaçme u zbulua se Margjeka ka marrë 6000 euro për të liruar nga burgu Orion Balit kundrejt “garancisë pasurore”.

Në përgjim u përfshinë bashkëshorti i gjyqtares Arben Cara, avokati i Orion Balit, Skënder Demiraj, vëllai i të pandehurit Nejton Bali dhe sekseri Klaudjo Zhilla. Mirëpo çfarë ka ndodhur me këtë dosje? Dhjetëra faqe përgjime, vëzhgime dhe konkluzionet e Prokurorisë.

Në një intervistë gazetarin Basir Çollaku për Shijak Tv, gjyqtarja Mimoza Margjeka, thekson se kjo çështje është një skemë që cënon imazhin e Prokurorisë së Posaçme, sepse profesionalisht ka veprime e mosveprime që ngarkojnë me përgjegjësi penale ekipin hetimor, pasi nga kjo dosje e mbyllur tashmë se hetuari, nuk është zbardhur e vërteta.

?Aktualisht kanë përfunduar hetimet e çështjes, jam njoftuar që të shkoj të marr aktet. Në kushtet që kam qenë me Covid nuk jam paraqitur deri tani, por do të paraqiten avokatët. Kam kërkuar përmes avokatit Genc Gjokutaj që të paraqitem dhe të jap deklarim. Gjatë kësaj kohe nuk më kanë marrë deklarim, nuk është bërë kontroll telefoni, kontroll shtëpie, zyre, makine, dhomë hoteli dhe asnjë provë. Unë kam kërkuar prokurores së çështjes, meqë ke kërkuar emrin tim, meqë bëre një deklaratë publike që SPAK arrestoi gjyqtaren Mimoza Margjeka dhe e bëre të fajshme kur the mori 6 mijë euro dhe liroi trafikantin. Kaq po kërkoj të hetohem. Le të marr telefonin dhe të bëjë hetime.

Mua më përmendet emri vetëm në një çështje që nuk jam kryesuese dhe në moment që ata që më dorëzuan aktet më thanë që t?i je arrest shtëpie, bashkëshorti me burg?, tha gjyqtarja.

Mimoza Margjeka shprehet më tej se hetimi ndaj saj është bërë për arsye të dosjes që ka hetuar, ku shton se mos dhënia e mandatit Bashkisë së Durrësit e solli në këtë gjendje.

Gjyqtarja akuzon SPAK se ka bërë falsifikime të dosjes dhe për këtë ajo kërkon ndërshkim.

?SPAK nuk mund të bëjë falsifikim deri në këtë pikë sa të marrë rolin e bashkëbiseduesit në përgjim dhe të thotë vetë prokurorja po. Prokurorja të mbaj përgjegjësi për këtë po që e ka thënë me gojën e vetë, sikur ishte personi I përgjuar ajo duhet të shkojë në burg. Kë do hetoj ajo?

Mua më kanë thënë bravo që e ke zbatuar ligjin dhe u thashë që unë këtë detyrë kam. Këtë duhet të përshëndeste ambasada amerikane, bravo që një gjyqtar guxon dhe zbaton ligjin. Dy ditë mbrapa ishte gjyqi tjetër, ku erdhi përfaqësuesi i Bashkisë Durrës. Të nesërmen ka ardhur PS dhe kërkon mandatin e Bashkisë Durrës. Kjo nuk është një paligjshmëri, është absurditet.

E njëjta çështje u gjykua në të njëjtën gjykatë me një gjyqtar tjetër. Ajo mund të shkonte në Apel. Këta si duket e panë që nuk kishte shkelje dhe kanë gjetur rrugën që të marrin vendim parallel dhe të mbyllin gojën. Gjyqtari tjetër i dha mandatin. Unë jam problem, se nuk më njihte askush e më bënë të njohur. Nuk kishte ndodhur ndonjëherë. Vetëm vendimi im shkoi në Apel dhe u pushua.

Struktura e bën punë me objektiv, është absurditet. Nëse është me porosi, ne nuk dalim nga kjo mesele kurrë. Nuk ka asnjë problem, ne jemi në burg familjarisht, nuk kanë asnjë provë?, tha Margjeka./CNA.al





Lajmet e fundit nga