E fundit!

10:44 Aktualitet Besim Ndregjoni

Mbyllja e kapitujve të BE për arsimin dhe kërkimin shkencor, Kumbaro: Fryt i reformave

Shqipëria mbylli me sukses tre kapitujt e parë të Integrim...

Shqipëria gjatë kryesimit në OSBE, asnjë përparim për lirinë e shprehjes dhe medias

7 Shkurt 2021, 14:39, Aktualitet CNA

?Edhe pse Kushtetuta dhe kuadri rregullator e garantojnë lirinë e shprehjes dhe të medias, në praktikë këto të drejta kufizohen?, ? ky është konstatimi që ka bërë raporti që vë në pah ecurinë e Shqipërisë gjatë kryesisë së OSBE-së.

Sipas këtij raporti, liria e shprehjes kufizohet nga interesat politike dhe ekonomike të pronarëve të medias, përqendrimi i tregut në duart e pak kompanive, sulmet fizike dhe ato verbale ndaj gazetarëve, vetcensura, paditë për shpifje dhe dëmtim imazhi, si dhe zbatimi i dobët i legjislacionit për të drejtat në punë.

Rrjeti Ballkanik për Gazetari Investigative në Shqipëri (BIRN Albania) rekomandon se qeveria duhet të tërhiqet nga legjislacioni i cili vendos kufizime mbi lirinë e shprehjes dhe kryeministri apo çdo politikan duhet të ndalojë gjuhën fyese ndaj gazetarëve.

Apeli qëndron gjithashtu për marrjen në konsideratë të rekomandimeve të Komisionit të Venecias nga Qeveria dhe Kuvendi.

Në këtë raport janë marrë në shqyrtim dhe të drejtat e njeriut në kushtet e COVID-19. Pandemia e ka vështirësuar jetesën e për pasojë dhe liritë themelore janë përballur me një sfidë.

Grumbullimet janë ndaluar për të shmangur numrin në rritje të të infektuarve ndërkohë që me këtë vendim është cenuar drejtpërdrejt liria për tubim.

Çfarë rekomandohet nga ky raport është marrja e masave në mënyrë që gjendja e jashtëzakonshme të jetë e kufizuar dhe t?i rikthehemi sa më parë normalitetit, veçanërisht duhen shmangur reformat e thella ligjore për aq kohë sa jemi në krizë.

Sa i takon dhunës me bazë gjinore dhe diskriminimit ndaj grave, gjatë kryesimit të Shqipërisë në OSBE, është vënë re një përmirësim i legjislacionit në fuqi.

Sidoqoftë, rekomandimi për vijimin e punës, apo rritjen e fondeve për viktimat e dhunës nuk mungon.

?Ka nevojë të rritet roli i organizatave të shoqërisë civile në mbështetjen e individëve ose grupeve të individëve?, ? thuhet gjithashtu në raport./CNA.al