web counter
LEXO PA REKLAMA!

SHKARKO APP

App Store
Google Play

Eksperti rrugor/ Qytetarëve i mungon edukata, shkak për aksidente

5 Shkurt 2021, 21:53, Aktualitet CNA

Të gjithëve na ndodh të shohim apo dëgjojmë për aksidente të shumta rrugore, që herë ndodhin për shkak të këmbësorëve dhe herë për shkak të drejtuesve të mjeteve.

Për këtë temë ka folur edhe eksperti rrugor Niko Caci, i cili tha se kodi rrugor është përmirësuar goxha, por theksoi se ende ka shumë gjëra për të bërë.

?Ne kemi një kod europian. Me këtë duhet të krenohemi dhe është përmirësuar goxha në shumë akse, por nuk është bërë gjithçka. Ka edhe shumë gjëra për të bërë akoma, por kemi kod dhe sinjalistikë moderne?, u shpreh ai në emisionin ?Bardh a Zi?.

Caci deklaroi se aksidentet ndodhin shpesh për shkak të mungesës së përdorimit të rrugës, qoftë nga këmbësorët, ashtu edhe nga drejtuesit e mjeteve.

?Ne na mungon edukata e përdorimit të rrugës. Na mungon të tërëve sepse nuk kemi një pedagogji. vijeni vete herë si përdorues mjeti dhe herë si këmbësor. Kur të jeni përdorues mjeti, kur të futet këmbësori do i thuash ec shpejt se shpejtoj, kur je këmbësor thua prit se do kaloj. Këtu kemi një edukatë, një mënyrë të impostuari ndryshe. Kjo është edukata që merret qoftë në pedagogji në shkollë, qoftë në marrjen e patentës?, theksoi eksperti rrugor./ CNA.al





Lajmet e fundit nga