web counter
LEXO PA REKLAMA!

SHKARKO APP

App Store
Google Play

Skandali/ Ilir Meta i ikën eskortës, fushatë për LSI

8 Shkurt 2021, 20:12, Politikë CNA

Siç edhe është paralajmëruar prej ditësh nga CNA.al, presidenti Ilir Meta ka shkuar në Korçë dhe ka bërë fushatë elektorale.

Meta ka shkuar dje në mbrëmje në Korçë, ka bërë takime dhe ka tentuar që të shfaqet në komunitet fetare sot.

Presidenti është ndarë nga eskorta në fshatin Libonik të bashkisë së Maliqit, tha një burim pranë tij, dhe ka takuar Faslli Zholin, i cili është koordinator LSI-së dhe mik i Ilir Metës. Në  shtëpinë e tij janë mbledhur disa personazhe të LSI të cilëve Meta u ka kërkuar mbështetje.

Kreu i Shtetit e ka filluar fushatën elektorale në shtëpinë e Zholit, ku ka takuar dhe persona të tjerë, të cilëve u ka kërkuar vota dhe mbështetje për LSI-në.

Skandali i Ilir Metës është se presidenti është ndarë nga eskorta dhe ka shkuar të bëjë fushatë për LSI-në.

Presidenti e ka lënë detyrën e kryetarit të shtetit dhe sot gjatë gjithë ditës ka bërë fushatë në fshatrat e Korçës, ndërkohë të njëjtën gjë po organizon me secilin qark.

Ai ka zgjedhur të bëjë takime duke mbledhur grupe të ndryshme mbështetësish në shtëpitë e koordinatorëve të LSI në njësitë që ka vizituar.

Ndalja e Ilir Metës në Korçë ka ardhur pas raportimeve të forta se partia e Ilir Metës dhe Monikës në Korçë po shkërrmoqet, njerëzit i kanë braktisur dhe vështirë se Monika Kryemadhi dhe Endrit Braimllari të bëhen deputetë./ CNA.al

Ekskluzive/ Meta takon Berti Qerosin





Lajmet e fundit nga