web counter
LEXO PA REKLAMA!

SHKARKO APP

App Store
Google Play

“LSI është rrënuar nga Kryemadhi”/ Rahovica: Në Berat nuk ekziston më kjo parti

8 Shkurt 2021, 17:55, Politikë CNA

Ish deputeti i LSI-së i bashkuar me PS vetëm pak kohë më parë, Gledion Rehovica ka bërë akuza të forta në lidhje me ish partinë e tij që sot sipas tij është rrënuar nga Monika Kryemadhi. Rehovica tha se heqja e mandatit të tij në 2018 se ishte dënuar në Itali dhe nuk e kishte deklaruar në formularin e dekriminalizimit ishte inskenim e bërë nga ish partia e tij LSI.

Rehovica tha se shumë veta brenda LSI e dinë mirë se si kjo gjë ka ndodhur dhe se nga kush është inskenuar, ndërsa mohoi të ketë qenë dënuar ndonjëherë në Itali duke thënë se dhe vetë prokuroria i mbylli këto hetime duke mos pasur vepër penale.

“Për mua dekriminalizimi ka qenë në farsë dhe inskenim dhe sipas informacioneve  të mia nga ish parti ime, nga LSI. Nuk dua ti vë gishtin askujt,  një pjesë e mirë e dinë sot se si kanë ndodhur gjërat. Unë s’kam asnjë vepër penale në Itali. Janë bërë 5 letra porosi në Itali dhe prokuroria ka kërkuar pushim të çështjes të pranuar edhe nga gjykata ku thuhet se nuk kam bërë asnjë vepër penale në Itali. Në polic kam qene 5 minuta me dëshirën time për të dëshmuar, unë nuk përfshhem në dekriminalizim dhe as kam bërë deklarim të rremë në atë ligj”, tha Rehovica për ?Report Tv?.

Në lidhje me qarkun e Beratit ai tha se LSI nuk ekziston më aty dhe se sot ka mbetur vetëm një dyqan çizmesh dhe jo një parti që mbledh vota. Për këtë për Rehovicën faji i vetëm është i Kryemadhit e cila me drejtimin e saj e ktheu LSI-në në një parti arrogante, e pabesë dhe po shkërmoqet dita ditës.

“Ndryshe nga kryemadhi që dështimet i ka pas të njëpasnjëshme që nga marrja e partisë, dhe e vetmja arritje e saj është çizmja kundër Ramës. LSI sot nuk ekziston në qarkun e Beratit, është kthyer në një dyqan çizmesh sot. LSI po vetëshkërmoqet e ka shkatërruara arroganca dhe mosmirënjohja, pabesia por gjëja kryesore që po vijon ta shkatërrojë është paranoja. Më duket sikur më shumë po largohen se sa po i afrohen LSI-së”, tha Rehovica./CNA.al





Lajmet e fundit nga