E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

“Shqipëria ka nevojë për një model të ri qeverisës”/ Patozi tregon synimet e tij për zgjedhjet e 25 prillit

8 Shkurt 2021, 17:21, Politikë CNA

Koordinatori i Bindjes Demokratike Astrit Patozi ka treguar për synimin që ai ka në zgjedhjet e 25 prillit, duke u shprehur se do të dëshironte që të ishte forcë përcaktuese qeverisëse pasi në këtë mënyrë është më e lehtë për tu arritur objektivat politike.

Përmes një postimi në rrjetin social, Patozi u ka bërë thirrje të gjithë qytetarëve që në 25 prill të ushtrojnë të drejtën e tyre për të votuar, duke theksuar se Shqipëria ka nevojë për ndryshim të strukturave të thella dhe për një model të ri qeverisës.

Koordinatori i Bindjes shprehet se thirrja e tij i drejtohet të gjithë atyreve që janë zhgënjyer nga proceset demokratike dhe sipas tij, hierarkia false e partive politike është një nga sëmundjet më të rënda.

Postimi i plotë i Patozit:

Nuk ka nevojë të rrëzojmë male më 25 prill

Të nderuar miq!

Ka vetëm një mënyrë për të ndryshuar gjërat në një vend demokratik: Nëse je parti apo politikan, duhet të konkurrosh, dhe nëse je qytetar i paangazhuar, duhet të marrësh pjesë dhe të përfshihesh në politikë, të paktën duke shkuar të votosh, sa herë vijnë zgjedhjet.

Ndaj edhe asnjë hezitim për 25 prillin dhe për çdo datë tjetër, që vjen më pas, në funksion të ndryshimit.

Ne jemi një grupim i ri politik, që mendojmë se Shqipëri ka nevojë për ndryshime strukturore të thella dhe për një model të ri qeverisës.

Por mbi të gjitha që të çlirohet nga një sistem politik mbytës, i cili ka vrarë konkurrencën në çdo qelizë të shoqërisë.

Është një sëmundje e rëndë, që nis nga hierarkia falso e partive politike, të shndërruara gradualisht në ndërmarrje biznesi me një pronar të vetëm, dhe përfundon tek zgjedhja e administratorëve të pallateve.

Ne as nuk synojmë dhe as nuk mundemi ta përfaqësojmë të gjithë popullin, por kryesisht u drejtohemi atyre shqiptarëve të zhgënjyer nga zvarritja e proceseve demokratike, nga dështimet e njëpasnjëshme të qeverive dhe sidomos nga arroganca e pushtetit të një grushti njerëzish, që kanë marrë peng të gjithë vendimarrjen politike në Shqipëri.

Ne marrim përsipër t?i përfaqësojmë ata me dinjitet dhe me mençuri në parlament, në qeveri apo edhe në opozitë qofshim.

Natyrisht, synimi ynë kryesor është që të jemi forcë përcaktuese qeverisëse, sepse në atë rast është më e lehtë dhe më e natyrshme për t?i arritur objektivat politike, por edhe për të shërbyer si model i ndryshëm i ushtrimit të pushtetit.

Dhe për këtë nuk ka nevojë të vrasësh dragoj apo të përmbysësh male. Mjafton të votosh Bindjen dhe jo thjesht partinë tënde më 25 prill./CNA.al