web counter
LEXO PA REKLAMA!

SHKARKO APP

App Store
Google Play

E fundit!

x

“Paraja ndjek pacientin”/ Basha zbërthen para mjekëve Programin për Shëndetësinë

6 Shkurt 2021, 11:32, Politikë CNA

Kryetari i Partisë Demokratike Lulzim Basha, ka zbërthyer sot programin e PD për shëndetësinë.

Në një bashkëbisedim me disa mjekë, Basha i shpjegoi disa nga pikat kryesore ku mbështetet programi për shëndetësinë. Kreu i PD iu tha mjekëve dhe stafeve shëndetësore se plani i PD nuk është një plan premtimesh, por një plan angazhimesh.

?Hapi i parë do të jetë finalizimi i projektit të kartës së pacientit me anë të cilit pacienti do t?i jepet liria të zgjedhë vetë të gjitha hallkat ku duhet të drejtohet për të marrë shërbimin përkatës. Nga mjeku i familjes te specialisti, tek institucioni spitalor ku ka nevojë për kujdes. Parimi ?paraja ndjek pacientin? i zbatuar me transparencë dhe sipas parashikimeve të reformave në planin tonë për shëndetësinë, do bëjë të mundur diçka të thjeshtë që e kupton çdo shqiptarë. Ne në tërësi si shoqëri, harxhojmë më shumë para, nxjerrim më shumë para nga xhepi qoftë kjo si taksa, që pastaj dedikohen për shëndetësinë, qoftë si para nën dorë, qoftë si para në sektorin privat këtu apo për udhëtime dhe kurime jashtë shtetit sesa çdo popull tjetër i Ballkanit.

Kujdesi shëndetësorë është në parametra më të ulët, me reformën dhe me hapat që do të hedhim ne do ta kemi plotësisht të mundur që qytetarët shqiptarë të marrin shërbimin e duhur shëndetësor duke paguar më pak se sa paguajnë sot. Hapi i parë ?Paraja ndjek pacientin? përmes kartës së pacientit.
Në raport me sistemin spitalor, parimet të cilat ne do t?i ndjekim, janë parime të provuara se funksionojnë në shoqëri të cilave u është dashur të bëjnë tranzicionin nga një shëndetësi e falimentuar drejt një shëndetësie që së pari të jetë në gjendje të japë një shërbim dinjitoz.
Rrogat e mjekëve në spitalet publike dhe në sistemin publik shqiptar të jenë jo më pak se 1200 euro dhe të infermierëve jo më pak se 700 euro. Objektivi nuk është arbitrar është plotësisht i arritshëm është i buxhetuar dhe është i indeksuar me përvojat e rajonit. Hapi i dytë për të ndalur këtë rrallim dramatik të mjekëve dhe infermierëve që kujdesen për njerëzit është hapja e një fakulteti tjetër mjekësie, shtimi i kapaciteteve pra për të trajnuar mjekë të rinj?, u shpreh Basha./CNA.al





Lajmet e fundit nga