E fundit!

12:05 Aktualitet

Protestat/ Balla: Dritan Goxhaj punon për regjimin iranian

Kreu i grupit parlamentar të PS-së Taulant Balla, në një d...

Ulja e lindjeve/ Ekspertët rekomandojnë zgjidhje, si shmanget plakja e popullsisë

1 Shkurt 2021, 17:41, Sociale CNA

Për herë të parë në vitin 2020 numri i vdekjeve e kaloi numrin e lindjeve, duke shënuar një sinjal alarmi për plakjen dhe tkurrjen e popullsisë. Gjatë vitit që lamë pas, në vend u regjistruan rreth 27,600 lindje, ndërsa humbën jetën 28,026 persona. Të dhënat janë nga Drejtoria e Gjendjes Civile, ndërsa në statistikë viti 2020 shënoi nivelin më të ulët të shtesës natyrore të popullsisë që nga viti 1948.

Ish-drejtorja e Përgjithshme e INSTAT, Ines Nurja thotë se numri i lindjeve sa vjen dhe bie ku u arrit kulmi vitin e kaluar. ?Nga 80 mijë lindje që kishim në vitin 1990 kemi arritur në 2019 në vetëm 28 mijë lindje. Kjo rënie sjell faktin që në Shqipëri kemi plakje të parakohshme të popullsisë.

?Nga 2.1 që ka qenë lindshmëria për gruan ka rënë në 1.3. Nëse vazhdon në këto ritme, Shqipëria shumë shpejt do të ketë një problem për të ardhmen. Deri në këto momente politikat nuk kanë dhënë efekt. Problemi kryesor aktualisht është frenimi i largimit të mëtejshëm i shqiptarëve?, u shpreh znj. Nurja.

Sipas drejtorit ekzekutiv të Institutit të Studimeve Ekonomike dhe Sociale, Kastriot Sulka problemi kryesor për situatën me prirje negative të rritjes së popullsisë është se ai nuk po njihet si i tillë nga qeveria.

?Pavarësisht se ka studime që flasin për këtë çështje, qeveria nuk po e pranon që është problem largimi dhe zvogëlimi i popullsisë dhe kjo është shqetësuese, duhet të ishte alarmante që s?po largohen pensionistët, por krahu i punës,? ? tha Sulka, i cili këmbënguli se vitet e fundit ka pasur raporte të zhdrejta të largimeve duke përfshirë edhe punonjësit e kualifikuar. Për këtë Sulka tha kërkohet seriozitet më i madh.

Ndërkohë mjekja obstetër Odeta Hoxhaj tha se prirja në ulje e lindjeve ka vijuar për 30 vite në Shqipëri dhe aktualisht ka marrë prirje në përgjysmim të popullsisë.

?Nga mesatarja 2.7-3 fëmijë për familje që ishte në fillim të vitit 1990, lindjet për familje kanë arritur në 1.4-1.2 fëmijë për familje,? ? tha Hoxhaj.

Mjekja cilësoi vështirësitë ekonomike si arsyen kryesore për rënien e prirjes së lindshmërisë.

Gazetarja Loneta Progni i pyeti ekspertët se kush mund të ishte zgjidhja. Ajo kujtoi se partitë politike kanë premtuar paketa bonusesh për të ndihmuar familjet për fëmijët e sapolindur.

I pyetur për bonuset e premtuara si politikat sociale, eksperti Sulka tha se ato nuk janë të efektshme pasi lindshmëria dhe problemi me familjet shqiptare ka të bëjë me garancinë dhe vijimësinë.

?Bonusi mbaron, është vetëm një moment, ndërsa fëmija kërkon vijimësi, familja has vështirësi të mëtejshme,? ? tha Sulka, i cili kujtoi politikat afatgjata sociale si mbështetja deri në moshën madhore të fëmijëve.

Mjekja Hoxhaj e cilësoi bonusin e bebeve si hap fillestar, pasi ?një individ i ri në shoqëri duhet ndihmuar gjatë gjithë kohës deri sa të jetë i aftë për vete?. Hoxhaj kujtoi si politikë mbështetëse kreditë e buta./euronews