web counter
LEXO PA REKLAMA!

SHKARKO APP

App Store
Google Play

“Fituam siguri”/ Ngjela zbërthen deklaratën e ambasadores Yuri Kim

29 Janar 2021, 16:53, Aktualitet CNA

Avokati i njohur Spartak Ngjela ka komentuar mesazhet e forta të ambasadores amerikane Yuri Kim për politikën shqiptare.

Ngjela shkruan se duke marrë shkas nga përmendja e ambasadores së Shteteve të Bashkuara të esencës historike të shqiptarizmës, çdo shqiptar ndërkohë fiton siguri kur pret integrimin real të Shqipërisë në Bashkimin Evropian.

?Politika amerikane, nëpërmjet ambasadores së Shteteve të Bashkuara në Tiranë, Yuri Kim, dje deklaroi tre ingredientët thelbësorë që lartësojnë historinë e Shqipërisë:

-Luftërat legjendare të Gjergj Kastriot Skënderbeut, si epope e madhe në mbrojtje të qytetërimit evropian nga hordhitë e barbarizmit osman.

-Vlera e madhe për besën, si kulturë shqiptare, e cila i lartësoi shqiptatët në përgjigjen morale kundër Olokaustit, duke mos dorëzuar asnjë hebre gjatë Luftës së Dytë Botërore. Në këtë akt, ndryshe nga të gjithë shtetet e pushtuar evropianë nga Gjermania hitleriane, shqiptatët dallojnë me vlerë të madhe. Në Shqipëri, pas luftës, kishte hebrenj shumë më tepër se përpara saj.

-Shqiptarët e kanë goditur plotësisht figurën e Enver Hoxhës dhe sistemin e tij.

Të tria këto përbëjnë në fakt vetë doktrinën e shqiptarëve që po kërkojnë me ngulm të hyjnë në Bashkimin Evropian. Por, përmendja e tyre nga politika amerikane lartëson shqiptatët si histori dhe si karakter, në një kohë që Beogradi çirret me gënjeshtra, dhe lidërshipet politike në Shqipëri bëjnë lojën e atyre që kanë vrarë, masakruar shqiptarët, dhe kanë pushtuar territore të gjerë të Shqipërisë Etnike.

Por, duke marrë shkas nga përmendja e ambasadores së Shteteve të Bashkuara të esencës historike të shqiptarizmës, çdo shqiptar ndërkohë fiton siguri kur pret integrimin real të Shqipërisë në Bashkimin Evropian?, shkruan Spartak Ngjela./CNA.al





Lajmet e fundit nga