web counter
LEXO PA REKLAMA!

SHKARKO APP

App Store
Google Play

E fundit!

x

“E dinë edhe ambasadorët”/ Mentor Kikia tregon nga burojnë financat e partive politike

29 Janar 2021, 15:54, Aktualitet CNA

Gazetari Mentor Kikia ka reaguar mbi takimin që u mbajt sot mes ambasadorëve dhe përfaqësuesve të partive politike, të cilët diskutuan mbi financat e parave gjatë fushatës zgjedhore.

Përmes një postimi, Kikia u shpreh se PS dhe PD kërkuan transparencë të financave, ndërkohë që sipas tij asnjë prej tyre nuk i kanë deklaruar asnjëherë shpenzimet.

Po ashtu, gazetari shprehet se të gjithë e dinë, madje edhe ambasadorët se partitë politike financohen nga koncesionet, PPP-të dhe paratë e oligarkëve.

?Me çfarë parashë ushqehen partitë politike?

Sot, ambasadorët(e radhës) bënë apelin(e radhës) që partitë të bëjnë transparencë me financimet.

KQZ tha se duhet bërë transparencë – Ky është institucioni që duhet ti verifikojë shpenzimet e partive.

PS tha se duhet bërë transparencë- Kjo parti nuk ka bërë asnjëherë transparencë për paratë që kanë ushqyer makinerinë e saj elektorale.

PD tha se duhet bërë transparencë- Kjo parti nuk ka bërë asnjëherë transparencë për paratë që kanë ushqyer makinerinë e saj elektorale.

Kush duhet ta bëjë transparencën? Kujt ia kërkoni?

Zotërinj ambasadorë, ne e dimë që ju e dini, por edhe ne e dimë që:

Paratë që ushqejne partitë në fushatë, dhe jo vetëm, janë paratë e tenderave, janë paratë e koncensioneve, të PPP-ve, janë paratë e oligarkëve, janë ata që paguajnë kostot e fushatës sot dhe i mbarrin mbrapsht ato para, dhjetëfish, duke zhvatur paratë publike në formë korruptive.

Por janë edhe para trafikantësh, nga ata që ju bërtisni që të mos futen në lista.

Nëse doni transparencë, provoni gjatë fushatës që partitë t?ju tregojnë sa para derdhën në llogaritë e tyre bankare, bëni një investigim sa shpenzime bëjnë realisht(afërsisht) dhe sa do të raportojnë në KQZ.

Një burektore ka tri kasa fiskale dhe kontrollohet tri herë në muaj.

Partitë nuk kontrollohen asnjëherë, nga askush?, tha Kikia./CNA.al





Lajmet e fundit nga