web counter
LEXO PA REKLAMA!

SHKARKO APP

App Store
Google Play

E fundit!

x

Skadimi i kartave të identitetit/ Zbardhet kërkesa e emigrantëve për të marrë pjesë në zgjedhje

26 Janar 2021, 17:10, Aktualitet CNA

Pajisja e qytetarëve me karta identiteti biometrike është kthyer në një problem për zgjedhjet e 25 prillit. Aktualisht janë më shumë se 800 mijë qytetarë shqiptarë, të cilëve iu ka skaduar karta e tyre e identitetit dhe në këtë mënyrë rrezikojnë të mos kenë mundësi që të marrin pjesë në zgjedhje.

Pjesa më e madhe e personave që iu ka skaduar karta e identiteti mendohet të jenë emigrantë të cilët nuk kanë pasur mundësi të vijnë në Shqipëri për të rinovuar dokumentet.

Shoqata Diaspora për Shqipërinë e Lirë, nëpërmjet një kërkese për informacion drejtuar Drejtorisë së Përgjithshme të Gjendjes Civile kërkon informacion për afatet e konfirmimit të kërkesës së tyre për regjistrimin e adresës në E-albania.

Gjithashtu, Shoqata Diaspora për Shqipërinë e Lirë kërkon zgjatjen e afatit të vlefshmërisë së mjeteve të tyre të identifikimit me qëllim që të kenë mundësi të marrin pjesë në zgjedhjet parlamentare të 25 prillit.

Sipas tyre, kufizimet e shkaktuara nga pandemia kanë qenë një tjetër pengese për emigrantët që nuk kanë pasur shumë mundësi lëvizjeje për këtë arsye kërkojnë zgjatjen e vlefshmërisë me 6 muaj./CNA.al





Lajmet e fundit nga