web counter
LEXO PA REKLAMA!

SHKARKO APP

App Store
Google Play

Përgjimet e “Ndrangheta”/ Ambasadori i Italisë: Drejtësia të bëjë shqyrtimin e plotë të çdo episodi korrupsioni

25 Janar 2021, 20:19, Aktualitet CNA

Ambasadori italian në Shqipëri Fabrizio Bucci ka reaguar në lidhje me përgjimet telefonike të Antimafias italiane, ku doli në pah se si mund të bëhet biznes në vendin tonë përmes korrupsionit në nivelet e larta si dhe lidhjet me grupin kriminal të Ndragheta-s.

Bucci thotë se gjyqtarët duhet të bëjnë punën vet në mënyrë të pavarur. Ai bën apel që të gjithë të angazhohen në  luftën ndaj krimit dhe korrupsionit përmes sjelljeve të duhura.

?Italia është e do të jetë gjithmonë përkrah institucioneve të Republikës së Shqipërisë në luftën ndaj korrupsionit dhe krimit të organizuar. Mbështetje maksimale autoritetit gjyqësor shqiptar për shqyrtimin e plotë të çdo episodi të korrupsionit apo të paligjshmërisë, nga cilido qoftë kryer dhe prej ngado rrjedh.

Le t?i lemë gjyqtarët të kryejnë në paqe punën e tyre, me qetësi e në mënyrë të pavarur. U përket atyre të dallojnë faktet nga fjalët. Polemikat e padobishme e të instrumentalizuara asnjëherë nuk ndihmojnë në verifikimin e së vërtetës.

Të gjithë duhet të angazhohen në luftën ndaj krimit dhe korrupsionit përmes sjelljeve të duhura. Kush do ta bëjë këtë do të ketë përherë mbështetjen e Italisë?, shkruan ambasadori italian pas debatit të ndezur në vendin tonë për përgjimet në Itali?, shkruan Bucci.

 





Lajmet e fundit nga