E fundit!

21:34 Aktualitet

Protestat në Tiranë/ Eksperti i sigurisë: Prapavijë e huaj që e shfrytëzon dhe shumicë radikale në rrjete

Eksperti i sigurisë, Ervin Karamuço, ngriti sot dy shqetës...

Zgjedhjet e 25 prillit/ Sotiraq Filo thirrje qytetarëve: Rinovoni kartat e identitetit

25 Janar 2021, 12:08, Aktualitet CNA

Drejtori i Përgjithshëm i Gjendjes Civile, Bledar Doracaj dhe kryetari i Bashkisë Korçë Sotiraq Filo u kanë bërë thirrje qytetarëve për rinovimin e dokumenteve të identitetit.

Gjatë fjalës së tij, Filo u shpreh se karta e identitetit është mjeti i vetëm i identifikimit përmes të cilit do të marrësh shërbim në institucionet shtetërore, dhe jo vetëm.

?Sot jemi së bashku me Drejtorin e Përgjithshëm të Gjendjes Civile, z. Bledar, duke inspektuar punën te zyrat e kompanisë ?Aleat? dhe te zyrat e gjendjes civile në bashkinë e Korçës, punën për shpërndarjen e kartave ID. Siç e dini karta ID është dokumenti i vetëm identifikues i çdo banori në bashkinë e Korçës, por edhe në të gjithë vendin. Është dokumenti bazuar në të cilin institucionet shtetërore por edhe institucione private ofrojnë shërbime ndaj qytetarëve.

Prandaj pajisja me një kartë identiteti të vlefshme është jo vetëm një detyrim ndaj qytetarëve, por është mënyra përmes ata mund të marrin shërbime nga këto institucione?, tha Filo.

Kryebashkiaku i Korçës shtoi se në 25 prill qytetarët duhet të shprehin vullnetin e tyre me votë, duke u bërë thirrje të gjithë atyre që iu skadojnë t?i rinovojnë sa më parë.

?Pajisja me kartë ID, përveç marrjes së shërbimeve të nevojshme për qytetarët, është shumë e rëndësishme edhe për të kryer detyrën e tyre në procesin zgjedhor.

Ju e dini që në 25 prill kemi zgjedhjet e përgjithshme në Shqipëri dhe votimi mund të kryhet duke pasur ose një kartë identiteti të vlefshme, ose një pasaportë të vlefshme. Prandaj pajisja me kartë i shërben edhe pjesëmarrjes në zgjedhje?, tha ai.

Në të njëjtën linjë ishte edhe Drejtori i Përgjithshëm i Gjendjes Civile, Bledar Doracaj, i cili tha se përmes kartës së identitetit qytetarët do të mund të marrin shërbime në institucionin shtetëror dhe sektorin privat.

?Atë që tha edhe z. Filo, ID karta apo letërnjoftimi elektronik nuk është thjesht vetëm dokumenti me të cilin qytetari me 25 prill mund të shprehë bindjet e tij politike, por çelësi për të përfituar të gjitha shërbimet në institucionet publike dhe private.

Gjithashtu kemi lehtësuar ndjeshëm procedurën e aplikimit. Mjaftojnë vetëm pak sekonda me dokumentin e vjetër biometrik, dhe kuponin e blerë pranë zyrës së Postës Shqiptare për t?u paraqitur dhe në pak ditë dokumenti vjen mbrapsht?, tha ai.

Më tej ai tregoi edhe për mënyrën se si do të mund të rinovojnë mjetet e identifikimit edhe shtetasit që jetojnë jashtë territorit. ?Ende jo, tashmë qeveria shqiptare ka filluar ndërtimin e një database, nëpërmjet vetëdeklarimit të të gjithë shtetasve shqiptarë që jetojnë jashtë territorit të Shqipërisë. Nuk e dimë sa nga ata që ju ka skaduar dokumenti biometrik jetojnë përtej territorit të Republikës së Shqipërisë?, tha ai./CNA.al