web counter
LEXO PA REKLAMA!

SHKARKO APP

App Store
Google Play

E fundit!

x

Mbi 800 mijë karta ID të skaduara/ Dritan Çaka: Pjesa më e madhe janë emigrantë

22 Janar 2021, 17:25, Aktualitet CNA

Pajisja e qytetarëve me karta identiteti biometrike është kthyer në një problem për zgjedhjet e 25 prillit. Janë më shumë se 800 mijë qytetarë shqiptarë, të cilëve iu ka skaduar karta e tyre e identitetit dhe nëse nuk posedojnë një pasaportë, ose nëse nuk e rinovojnë gjatë këtyre 3 muajve të ardhshëm, mund të rrezikojnë seriozisht pjesëmarrjen në zgjedhje.

Por, anëtari i Komisionit Rregullator në KQZ, Dritan Çaka, në një interviste për Euronews Albania u shpreh se një pjesë e madhe e atyre që iu ka skaduar karta e identitetit mund të jenë emigrantë, të cilët nuk e kanë rinovuar për shkak se nuk kanë ardhur dot në Shqipëri gjatë këtyre

“Mund të ndodhë edhe një fenomen tjetër, që një pjesë e mirë e qytetarëve që nuk i kanë këto karta janë emigrantë, të cilët ndodhen jashtë territorit të Shqipërisë, që nuk kanë ardhur për shkak edhe të pandemisë, sepse ka pasur bllokime të rrugëve kryesisht atyre ajrore dhe atyre detare. Mund të ketë pasur vështirësi, por kjo nuk do të thotë se këto 800 mijë nuk kanë pasaporta?, tha ai.

Sakaq në një komunikim me drejtorin e gjendjes civile, Euronews Albania mësoi se shifra fikse e qytetarëve që nuk kanë as kartë dhe as pasaportë biometrike nuk është përpunuar ende nga kompania aleat.

Ndërkohë edhe pse prej 1 muaji zyrat e gjendjes civile kanë qëndruar hapur edhe ditën e shtunë, numri i aplikativëve për të rinovuar kartat e identitetit ka qenë në nivele të ulëta./CNA.al





Lajmet e fundit nga