E fundit!

15:10 Aktualitet

Erion Isai rrëfen transformimin e Kolonjës/ Nga investimet urbane te vizioni për turizmin dhe traditën

Një udhëtim në një prej zonave me historinë, traditën dhe ...

Rrëfimi në mediat italiane/ Si u zhduk papritur marrëveshja 2-vjeçare që futbollisti i Shpresave kishte me Tiranën

19 Janar 2021, 10:20, Sport CNA

U afrua me bujë te Tirana, por ish-mbrojtësi i Kombëtares Shpresa, Shaqir Tafa, nuk arriti të federohej me kampionët e Shqipërisë për shkak të problemeve burokratike. Për të përfituar shërbimet e lojtarit, bardheblutë duhet të paguanin për të ashtuquajturën ?training compensation?, ose e thënë në shqip, vitet e rritjes te skuadrat italiane ku është formuar si lojtar.

Lojtari 22-vjeçar arriti të firmoste fillimisht një kontratë 2-vjeçare, teksa ishte pjesë e përgatitjeve dhe disa ndeshjeve miqësore, por nuk arriti të merrte lejen që vërtetonte që nuk ka asnjë detyrim ndaj skuadrave të tjera për të kaluarën e tij. Në një intervistë për median italiane ?TuttoC.com?, Tafa foli në lidhje me problemet e hasura si dhe për të ardhmen, duke u shprehur:

?Pas mos regjistrimit të Sicula Leonzio në Lega Pro, unë kisha vendosur ta rinisja nga Shqipëria. Isha lojtari me më shumë paraqitje te Shqipëria U-21 dhe në gusht kisha nënshkruar me Tiranën, në elitë, por në kohën e regjistrimit të kontratës dolën disa probleme burokratike.

Kështu pas muajsh stërvitje dhe miqësore, marrëveshja dy-vjeçare që kisha në xhep u zhduk. Gazetat shqiptare folën gjithashtu për këtë problem, por fatkeqësisht atje nuk kishte asgjë për të bërë. Kështu që u ktheva në Itali, duke shpresuar të isha në gjendje të luaja për të katërtin vit radhazi Serie C.

Pasi u rrita në Palermo, u dërgova në huazim fillimisht në Monopoli dhe më pas në Cuneo. Pas falimentimit që ndodhi unë nënshkrova me Sicula Leonzio.

Pjesa që nuk u regjistrova te Sicula Leonzio më solli edhe kalimin bosh te Tirana. Kam dy pasaporta në xhep pasi kam luajtur me Italinë U-17, pastaj me Shqipërinë U-21 që më thirri dhe iu bashkova.

Jam në pritje të debutimit me ekipin e parë, por nëse nuk do të luaj, atëherë është e vështirë. Dua të kthehem sërish në një skuadër pas zhgënjimit me Tiranën. Kam shumë dëshirë që të tregojë vlerat e mia dhe menaxherët do ta gjejnë zgjidhjen sa më shpejt?, ka thënë Tafa.