Lidhjet e dashurisë dhe skandalet e Kejvina Kthellës, modeles që u ngatërrua me një burrë të martuar

17 Janar 2021, 16:13, Lifestyle CNA

Emri i modeles Kejvina Kthella, është komentuar shumë në media, për lidhjet e saj dashurore me personazhe të njohur të ekranit.

Një nga lidhjet që bëri bujë në media ishte lidhja e saj me Redian Rrajën, i cili akuzohet për atentatin ndaj prokurorit të Durrësit, Arjan Ndoja.

Prokuroria e Krimeve të Rënda e mori në pyetje Kejvina Kthellën, për shkak të kontakteve që kishte me Redian Rrajën, dhe i sekuestroi në kuadër të hetimeve edhe telefonin.

Një javë më pas modelja arriti të merrte telefonin e saj pasi rezultoi se nuk përbënte interes për hetimin, ndërsa kërkohej mbajtja akoma në sekuestro e makinës që konsiderohet si provë nga organi i akuzës dhe llogarive bankare.

Pak ditë më parë, u publikua edhe dëshmia e modeles e cila ka sqaruar se një natë para ngjarjes ka fjetur me Redjan Rrajën në shtëpinë e saj. Pra vetë modelja pranoi lidhjen e saj të dashurisë më një burrë të martuar.

?? Herën e fundit që jam takuar me Redjanin ka qenë ditë e enjte, datë 31.10.2019. Rreth orës 22:00 të mbrëmjes unë ndodhesha në banesë dhe ka ardhur Redjani. Kemi qëndruar gjatë natës së bashku dhe në mëngjes, më datë 01.11.2019, rreth orës 10:30 unë jam larguar për në punë, ndërsa Redjani qëndroi në banesë. Kam komunikuar gjatë ditës me të disa herë dhe ai është larguar nga banesa dhe kishte shkuar në Durrës me disa miq të tij.

Ishin duke pirë diçka me sa më tha ai, por nuk di detaje me saktësi. Dua të them se unë kam komunikuar thuajse çdo ditë me Redjanin në telefon, por nuk jemi takuar. Me sa mbaj mend, ditën e shtunë, më datë 02.11.2019, kur kam komunikuar në telefon, Redjani më ka thënë se ishte jashtë shtetit.

Po kështu, edhe ditën e diel, më datë 03.11.2019 kemi komunikuar normalisht rreth orëve të paradites dhe thjeshtë kemi bërë bisedë normale. Unë komunikoj nëpërmjet telefonit tim, me numër 06924 XXXXX, Redjani disponon numrin e telefonit 06920 XXXXX?, ka thënë Kejvina në deklaratën e saj.

Para kësaj deklarate, Kejvina është komentuar edhe për një lidhje me reperin Seven Saraqi, ku në media u tha se ish velina kishte qëndruar në shtëpinë e tij në Amerikë, pas ngjarjes që pushtoi mediat.

Teksa ishte e ftuar në një intervistë ajo u shpreh se për momentin nuk kishte asgjë me Seven Saraqin, por nuk mohoi se në të ardhmen mund të kishte një lidhje me të, duke e cilësuar atë si një djalë bukurosh.

Së fundi e ftuar në emisionin ?Binjakët? ajo u shpreh se nuk e kishte provuar kurrë ndjenjën e dashurisë.

?Në dashuri nuk besoj se kam rënë ndonjëherë, nga shkallët po, shpesh. Gjithandej kam rënë, vetëm në dashuri jo. Nuk kam arritur akoma që të bëj cmendurira, të lë gjithcka për partnerin tim. Nuk ka bërë asnjë zemra bam. Mes dashuria dhe karrierës zgjedh këtë të fundit, për tani e mendoj kështu. Po erdhi dashuria, por nuk do rri ta pres?. Me këtë deklaratë ajo ngre shumë pikëpyetje dhe na bën të mendojmë po ajo me Redianin çfarë ka qenë?

Por nuk kanë qenë vetëm lidhjet e saj të dashurisë për të cilat ajo është komentuar në media. Pak kohë më parë në rrjet qarkulloi një video e modeles ku shfaqej si asnjëherë më parë në gjendje të dehur, një video për të cilën Kejvina nuk pati asnjë reagim, dhe që më pas u fshi nga rrjetet sociale.

Modelja së fundi postoi një tjetër video seksi në rrjetet sociale, si një mënyrë për të treguar se ky ishte reagimi i saj ndaj asaj që shkruhej për të dhe lidhjen e saj me Redian Rrajën në media. ?Reagimi i parë: Tronditës?, shkruante ajo krahas videos që bëri xhiron në rrjetet sociale./ CNA.al

A post shared by Kevina_kthella (@kejvina_kthella)