web counter
LEXO PA REKLAMA!

SHKARKO APP

App Store
Google Play

Marcello Lippi: Shoh vetën time tek Gattuso

15 Janar 2021, 13:08, Sport CNA

Ish-trajneri i Italisë, Marcello Lippi ka krahasuar Gennaro Gattuson me veten e tij. Marcello Lippi thotë se e sheh veten te Gennaro Gattuso dhe beson se Interi dhe Juve kanë ?vetëm një problem?.

Lippi është fitues i Kupës së Botës me Italinë në vitin 2006, ai pati në ekip lojtarë si: Gennaro Gattuso, Andrea Pirlo, Pippo Inzaghi , Antonio Conte dhe Fabio Cannavaro. Ata të gjithë fituan Kupën e Botës me Lippin në krye të ?Azzurrëve? para se të fillonin karrierën e tyre si trajner.

?Unë jam krenar kur i dëgjoj ata duke thënë se isha një frymëzim për ta. Shpesh mendoj se kush është më shumë si unë dhe duhet të them se e shoh veten tek Gattuso nga mënyra se si e menagjon ekipin e tij?, tha ai.

?Gattuso nuk është vetëm i fortë, ai është në gjendje të organizojë ekipin e tij shumë mirë? shtoi ai. Pirlo dhe Conte do të përballen me njëri-tjetrin në përballjen Inter ? Juventus të dielën. ?Ata janë njerëz të zgjuar, Conte ka qenë gjithmonë kaq i përpiktë dhe vizioni i Pirlos ishte mbi mesataren normale?, tha 72 vjeçari.

A është një lojë vendimtare për garën e Scudettos? ?Jo për sa i përket pikëve, mendoj se është shumë herët, edhe nëse Interi fiton, kanë mbetur shumë ndeshje. Mund të bëjë ndryshimin në nivelin mendor. Inter është përpara Juventusit, sepse ky është sezoni i dytë i Conte në klub dhe ai po përmirëson ekipin?, tha Lippi.

?Andrea po bën një ndryshim rrënjësor dhe mendoj se po korr shpërblimet e punës së tij. Interi dhe Juventusi kanë vetëm një problem. Ata varen shumë nga Romelu Lukaku dhe Cristiano Ronaldo. Pa ata, potenciali i tyre nuk është i njëjtë, por duhet të thuhet se ata janë dy kampionë të jashtëzakonshëm?, përfundoi Marcello Lippi.





Lajmet e fundit nga