web counter
LEXO PA REKLAMA!

SHKARKO APP

App Store
Google Play

Rudina Hajdari zyrtarizon zonën ku do të kandidojë/ Ka ardhur koha që të rebelohemi!

14 Janar 2021, 10:25, Politikë CNA

Deputetja e opozitës parlamentare, Rudina Hajdari, ka bërë me dije zyrtarisht se në zgjedhjet e ardhshme parlamentare do të kandidojë në qarkun e Elbasanit.

Hajdari shprehet e vendosur se ka ardhur koha që të gjithë të rebelohemi ndaj klasës së vjetër politike. Sipas Hajdarit, kjo mund të ndodhë vetëm nëse ndihmojmë ata që marrin guximin të përballen.

Ajo thekson se ndryshimi vjen nga njerëzit që kanë guximin të sfidojnë realitetin e hidhur dhe ne e kemi këtë guxim.

?Miq, dua t’ju kërkoj sot mbështetje për një vendim të rëndësishëm që kam marrë së bashku me skuadrën lidhur me zgjedhjet e ardhshme. Nëse beson te unë dhe te ekipi ynë të lutem merr pak kohë, më dëgjo, e na jep një dorë. Ka ardhur koha që të gjithë të rebelohemi ndaj klasës së vjetër politike dhe kjo mund të ndodhë vetëm nëse ndihmojmë ata që marrin guximin të përballen. Nëse je nga qarku i Elbasanit të ftoj të regjistrohesh te rudinahajdari.al dhe menjëherë do të kontaktoj për një takim, që të jesh pjesë e ekipit. Nëse je gjetkë, sugjeroja këtë video miqve që njeh në qarkun e Elbasanit. Nëse ke mundësi mund të dhurosh për fushatën te rudinahajdari.al. Ndryshimi vjen nga njerëzit që kanë guximin të sfidojnë realitetin e hidhur dhe ne e kemi këtë guxim. Kemi edhe gjithë energjinë për tu përballur me një klasë të kalbur politike e cila na ka vjedhur deri në palcë. Eja bashkohemi! Nuk jemi të varfër, jemi të vjedhur!
Ju falenderoj nga zemra?, shkruan Hajdari./CNA.al





Lajmet e fundit nga