web counter
LEXO PA REKLAMA!

SHKARKO APP

App Store
Google Play

E fundit!

x

Sot nisi vaksinimi anti-Covid/ Tomini tregon efektet anësore që mund të keni

11 Janar 2021, 16:36, Lifestyle CNA

Shefja Epidemiologjisë në ISHP, Eugena Tomini, ka folur për procesin e vaksinimit anti-covid që ka nisur sot në vend.

Në një intervistë për Report tv, ajo u shpreh se çdo vaksinë ka efektet e saj anësore, kësisoj dhe kjo kundër Covid mund të shfaqë skuqje në vendin e vaksinimit, lodhje por janë shenja afatshkurtra.

Ndërkaq ajo shton se për disa persona ajo mund të mos ketë asnjë lloj shenje.

?Për të gjithë ne është një artitje e madhe që dhe Shqipëria u bë pjesë e fushatave të vaksinimit.

Çdo vaksinë ka efektet e saj anësore. Po monitorohet. Ne si ISHP në programin e imunizimit, kemi një proces që do monitorohet që nga momenti i ardhjes për të bërë vaksinën dhe deri në përfundim të këtij procesi dhe deri te fazat pas aplikimit të vaksinës.

Ajo mund të shfaqë skuqje në vendin e vaksinimit, lodhje. Janë disa shenja që do kesh por çdo vaksinë ka efekte. Por në individë të caktuar mund të mos shfaqet asgjë, janë shenja që kalojnë pa u vënë re.?

Një person duhet të ketë 3 muaj ose më shumë që e ka kaluar Covid për të bërë vaksinën, theksoi ajo.

?Për të thënë të vërtetën  është një proces që aplikohet në gjendje të shëndetshme. Kur aplikon çdolloj  vaksine duhet të jeni në kushte të shëndettshme. Të mos keni ethe apo  gjendje virale. Dhe rekomandohet që aplikimi i  vaksinës, të bëhet pasi të kaloni COVID. 3 muaj pasi keni kaluar COVID, ta aplikoni vaksinën. Siç aplikojmë vaksinat e tjera është e rëndësishme të aplikohet dhe të bëhet edhe vaksina?, shtoi ajo.

 





Lajmet e fundit nga