I pandehur për grabitjen në Rinas/ Prokuroria i sekuestron pasurinë Klement Çalës

11 Janar 2021, 13:10, Kronika CNA

Prokuroria e Elbasanit urdhëron sekuestrimin e pasurisë së Klement Çalës, i pandehur për grabitjen e Rinas si dhe pastrim parash.

Përmes një njoftimi të shpërndarë për media, Prokuroria bën me dije se i ka sekuestruar një apartament në Elbasan, një tokë arë dhe truall me sipërfaqe 500 metra katror në fshatin KUSARTH TË Bashkisë Elbasan, dhe një tokë arë me sipërfaqe 809 metra katrorë

?Në datë 19/07/2019 është regjistruar në cilësinë e personit ndaj të cilit zhvillohen hetime emri i shtetasit Klement Çala.

Me vendimin e Gjykatës së Rrethit Gjyqësor Elbasan Nr. 623, datë 23/07/2019, është vendosur, ndër të tjera:

Vendosja e masës së sigurimit pasuror të sekuestros preventive mbi pasuritë e paluajtshme:

Pasurinë me Nr. 1/189+1-2, vol. 23, f. 145, e llojit apartament, me sipërfaqe 50 m², zona kadastrale 8524, e gjendur në lagjjen ?Vullnetari?, Pall. Nr. 645, shk. 1, kati 1, ap. 2, Elbasan, regjistruar në emër të shtetasve Pullumb Shefqet Çala dhe Elida Luan Çala;

Pasurinë me Nr. 468/2/3, vol. 4, f. 131, e llojit arë + truall me sipërfaqe 500 m², zona kadastrale 2346, si dhe ndërtesë 1 kat e llojit njësi, me sipërfaqe 167,9 m², e gjendur në fshatin Kusarth, Bashkia Elbasan, regjistruar në emër të shtetasve Eldi Pullumb Çala dhe Elida Luan Çala;

Pasurinë me Nr. 428/2/6, vol. 5, f. 127, e llojit arë me sipërfaqe 809,5 m², zona kadastrale 2346, e gjendur në fshatin Kusarth, Bashkia Elbasan, në emër të shtetasve Alkond Ferdinand Bengasi, Esunela Ferdinand Qevani dhe Alert Ferdinand Qevani, ku në datë 14/12/2017 është regjistruar kontrata e sipërmarrjes Nr. 4788/2867, datë 14/10/2017, me investitorë shtetasit Elida Luan Çala, Eldi Pullumb Çala dhe Pullumb Shefqet Çala.

Vendosja e masës së sigurimit pasuror të sekuestros preventive mbi 50% të kuotave të zotëruara nga shtetasi Eldi Pullumb Çala në shoqërinë tregtare ?Alba Fashion Confession? sh.p.k, me Nipt L82620202I?, thuhet në njoftimin e prokurorisë.

Sipas Prokurorisë gjithçka ka nisur nga një procedim penal i 6 shtatorit të 2019, me Dritan Ekmekçiun që ka hyrë në marrëdhënie financiare të dokumentuara dhe qiraje të padokumentuara me Klement Çalën dhe babain e tij, Pullumb Çalën./CNA.al