web counter
LEXO PA REKLAMA!

SHKARKO APP

App Store
Google Play

E fundit!

x

BioNTech kundërshton strategjinë e Danimarkës dhe Anglisë/ S’duhet të shtyhet doza e dytë e vaksinës

5 Janar 2021, 19:30, Lifestyle CNA

Organizata Botërore e Shëndetësisë miratoi pak ditë më parë vaksinën kundër koronavirusit të prodhuar nga Pfizer-BioNTech.

Por disa vende si Danimarka dhe Mbretëria e Bashkuar kanë deklaruar se do t?i ndajnë në një diferencë më të gjatë kohore dy dozat e vaksinës, ndonëse është sugjeruar që doza të mos shtyhet më shumë se tri javë.

Shtetet e kanë parë këtë si strategji për të mundësuar vaksinimin e sa më shumë njerëzve me dozën e parë, por pas këtyre deklaratave ka reaguar edhe kompania gjermane BioNTech.

Kompania gjermane tha për mediat se nuk ka të dhëna dhe prova për të mbështetur sigurinë dhe efikasitetin e vaksinës, në rast se doza e dytë shtyhet.

BioNTech theksoi se nëse doza e dytë bëhet tri javë pasi është injektuar e para, efikasiteti i vaksinës është 95%.

?Vendimet për mënyra alternative të vaksinimit iu përkasin autoriteteve shëndetësore, por ne besojmë se doza e dytë nevojitet për të siguruar mbrojtje maksimale kundër sëmundjes?, thuhet ndër të tjera në deklaratën e kompanisë./ CNA.al





Lajmet e fundit nga