web counter
LEXO PA REKLAMA!

SHKARKO APP

App Store
Google Play

Ministri italian ultimatum BE/ Të sigurohet vaksina për Ballkanin Perëndimor

30 Dhjetor 2020, 16:04, Aktualitet CNA

Ministri i Jashtëm Italian, Luigi Di Maio, zhvillon sot një vizitë në Kosovë, ku është takuar edhe me homologen e tij, Meliza Haradinaj-Stublla. Takimin e parë Di Maio e zhvilloi me trupat italiane që shërbejnë në kuadër të KFOR-it. Në këtë takim kryediplomati italian tha se Komisioni Evropian duhet të ketë iniciativë të dedikuar për sjelljen e vaksinave në Ballkanin Perëndimor.

Sipas tij, Ballkani është një sinjal i afërsisë dhe i solidaritetit, ndaj duhet të sigurohet mbulimi në kohë i vaksinës.

?Italia nuk është tërhequr prapa në këtë situatë të vështirë dhe ka sjellë, falë aftësive të saj ushtarake kombëtare në fushën mjekësore, kontributin e saj në mbështetje të autoriteteve kosovare në luftën kundër Covid. Ndaj i kërkojmë Komisionit Evropian përshpejtimin e blerjes së vaksinave për përfitimin e qytetarë italianë. E konsideroj të rëndësishme dhe urgjente që Komisioni, përveç iniciativave të planifikuara tashmë, të marrë përsipër një iniciativë e dedikuar posaçërisht për blerjen drejtpërdrejt dhe sa më shpejt të jetë e mundur doza të mëtejshme të vaksinimit për popullsitë e Ballkanit Perëndimor, të testuara rëndë nga pandemia?, tha Di Maia.

Mes të tjerash Di Maio shpjegoi ndër të tjera se për këtë çështje kishte pasur edhe një bisedë me Komisionerin Varhelyi, të cilit i ka shpjeguar se një iniciativë e tillë do të bënte të mundur që ?Së pari; të sigurojë mbulim adekuat të vaksinimit edhe në vendet e Ballkanit Perëndimor, në interes të Evropës dhe veçanërisht Italisë. Dy, t?u japim partnerëve tanë në Ballkan një sinjal të rëndësishëm të afërsisë dhe solidaritetit konkret, në përputhje me mbështetjen tonë për rrugën evropiane të atyre vendeve; tre, për të shmangur që një vakum i iniciativës evropiane të plotësohet nga aktorë të tjerë konkurrues.?/CNA.al





Lajmet e fundit nga