web counter
LEXO PA REKLAMA!

SHKARKO APP

App Store
Google Play

E fundit!

x

E larguan nga detyra/ Mjeku Ilir Allkja: Më shkarkuan si dikur “për agjitacion e propagandë”

30 Dhjetor 2020, 13:13, Sociale CNA

Mjeku Ilir Allkja i cili ka qenë një zë kritik nga brenda sistemit shëndetësor ka reaguar pas shkarkimit nga detyra.

Ai tregon se nuk e priste aspak shkarkimin nga detyra.

?Realisht nuk e prisja (shkarkimin). Jam thirrur disa herë në Drejtorinë e QSUT dhe kryefjala ka qenë komunikimi im me mediat.
Të gjithë më kanë ndjekur, në komunikimet e mia kam folur për probleme të shëndetit publik. Kam qenë kritik me administrimin e pandemisë dhe problemeve të shëndetit në përgjithësi nga qeveria?, shprehet Allkja në një intervistë për Syri Tv.

Ai tregon se motivacioni i shkarkimit ishte për shkelje të etikës dhe konfidencialitetit në punë.

?Domethënë citohej saktësisht, kishte të bënte me mosruajtjen e informacionit dhe komunikim me mediat? shprehet ai.

Ndërkohë, si ju është komunikuar largimi nga puna?
Allkja: Më takoi postieri i institucionit, më dha një zarf e më kërkoi të firmosja në atë bllokun e tij. E hapa dhe prisja të merrja një paralajmërim a vërejtje, diçka të tillë, sepse besoja se më gjithë këtë zhurmë do të dilnin diku, por një vendim ku flitej për prerje direkte të marrëdhënieve të punës, për pushim direkt nga puna për shkelje flagrante të informacionit, këtë nuk e prisja realisht.
Nejse, është tipike me formulimet që bënin dikur për agjitacion dhe propagandë./CNA.al





Lajmet e fundit nga