E fundit!

22:40 Politikë

Balla për protestën: Sot aty kanë mbetur “sorrat”, qytetarët meritojnë dialogun

Kryetari i Grupit Parlamentar të Partisë Socialiste, Taula...

Zbardhen emrat/ Të dënuar për disa vepra penale, kush janë shqiptarët që u ekstraduan nga Franca e Gjermania

29 Dhjetor 2020, 15:08, Kronika CNA

Interpol Tirana ka kryer disa ekstradime nga Gjermania dhe Franca për disa të dënuar për vepra të ndryshme penale.

Më konkretisht, është ekstraduar nga Franca një 38 vjeçar nga Tirana i identifikuar si Aranit Susaj, i cili ishte shpallur në kërkim ndërkombëtar për veprën penale ?Vjedhje me Dhunë? dhe ?Falsifikim i dokumentave?.

Po ashtu, një tjetër ekstradim është kryer edhe nga Gjermania, ku një 46-vjeçari nga Lushnja, Altin Koci, është sjellë për të vuajtur dënimin në Shqipëri. Koci ishte shpallur në kërkim për veprën penale ?Trafikim i lëndëve narkotike? e mbetur në tentativë.

Gjatë një kontrolli policor në automjetin që drejtonte, u gjet një sasi prej 8 kg e 423 gramë lëndë narkotike heroinë, të cilën Koci, në bashkëpunim me të tjerë, po tentonte ta trafikonte jashtë vendit. Susaj rezulton i dënuar me 9 vite burg për të dy veprat penale, ndërsa Koci me 8 vite burg.

Njoftimi i plotë i Interpol Tirana

Vijon bashkëpunimi mes Interpol Tiranës dhe homologëve, për lokalizimin, kapjen dhe ekstradimin e personave të shpallur në kërkim ndërkombëtar. Ekstradohen nga Franca dhe Gjermania, 2 shtetas të shpallur në kërkim ndërkombëtar. Nga Interpol Tirana u krye ekstradimi nga Franca drejt vendit tonë, i shtetasit Aranit Susaj, 38 vjeç, banues në Tiranë.

Shtetasi Aranit Susaj ishte shpallur në kërkim ndërkombëtar, pasi Gjykata e Apelit Shkodër e ka dënuar me 8 vjet burgim për veprën penale ?Vjedhja me dhunë? kryer në bashkëpunim. Ky shtetas, në bashkëpunim me dy shtetas të tjerë, në vitin 2010, ka kryer vjedhje me dhunë në banesën e shtetasit P. L. në fshatin Grude e re, Shkodër.

Gjithashtu, ky shtetas ishte i shpallur në kërkim kombëtar nga Komisariati i Policisë Tropojë, për veprën penale ?Falsifikimi dokumenteve?. Gjykata e Shkallës së Parë Tropojë e ka dënuar me 1 vit burgim për këtë vepër penale.

Po nga Interpol Tirana është bërë ekstradimi nga Gjermania drejt vendit tonë, i shtetasit shqiptar Altin Koci, 46 vjeç, lindur në Lushnjë.

Ky shtetas ishte shpallur në kërkim ndërkombëtar, pasi Gjykata e Shkallës së Parë për Krimet e Rënda Tiranë, në vitin 2016, e ka dënuar me 8 vjet burg, për veprën penale ?Trafikim i lëndëve narkotike?, mbetur në tentativë.

Më datë 15.07.2015, në Port Durrës, gjatë një kontrolli policor në automjetin që drejtonte ky shtetas u gjet një sasi prej 8 kg e 423 gramë lëndë narkotike heroinë, të cilën ky shtetas, në bashkëpunim me të tjerë, po tentonte ta trafikonte jashtë vendit./CNA.al