web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria vuan pasojat e tërmetit dhe Covid/ Rama shkon të argëtohet me Luana Vjollcën

25 Dhjetor 2020, 13:05, Aktualitet CNA

Në një kohë kur vendi po përballet me pasojat e rënda që la tërmeti dhe krizën që ka shkaktuar pandemia e koronavirusit, kryeministri Edi Rama mendon se si të argëtohet.

Pas shfaqjes së mbrëmshme tek emisioni i Blendi Fevziut ku dha një intervistë ndryshe, CNA.al ka mësuar se, kryeministri Edi Rama do të marrë pjesë në shown e Luana Vjollcës.

Kryeministri do të bëhet pjesë e lojërave të emisionit ?Shiko kush Luan?, i cili do të transmetohet në datën 01 Janar të vitit 2021.

Nuk mjaftoi intervista tek Fevziu por tani do ta shikojmë edhe tek Luana Vjollca ku do të luajë ?kukafshetas? ndërkohë që një numër i madh qytetarësh do e kalojnë Vitin e Ri nëpër çadra. Mësohet se emisioni është regjistruar, tashmë po montohet që të transmetohet për publikun.

Mesa duket Vitin e Ri, Rama, do ta marrë me të qeshur, pasi do të bëhet pjesë e lojërave në emisionin ?Shiko Kush Luan?.

Jemi mësuar që ta shohim Ramën edhe në rolin e qesharakut pasi kujtojmë se vite më parë u bë pjesë e emisonit të Ermal Mamaqit, ku shfaqej nga dushi në shtëpinë e tij në Surrel, si piktor, edhe si kryeministër. Fotot qarkulluan gjatë në rrjetet sociale ku nuk munguan dhe memet.

Ramës nuk i ka ngelur gjë pa provuar dhe po e tregon veten në të gjithë mënyrat e mundshme ndërkohë që vendi është në një situatë të vështirë./ CNA.al





Lajmet e fundit nga