Arreston 6 persona në Tiranë/ Policia jep detajet, për çfarë akuzohen

23 Dhjetor 2020, 09:31, Kronika CNA

Policia e Shtetit ka arrestuar ditën e sotme dy shtetas të shpallur në kërkim kombëtar.

Njëri prej të arrestuarëve është një 22-vjeçar me inicialet O.XH, i cili në protestat e organizuara në datën 9 dhjetor për vrasjen e Klodian Rrashës dogji pemën e Krishtlindjeve.

Ndërkohë që uniformat blu kanë vënë në pranga edhe 6 qytetarë të tjerë për vepra të ndryshme penale.

Njoftimi i plotë i Policisë:

Kapen dhe ndalohen 2 shtetas të shpallur në kërkim kombëtar.

Arrestohen në flagrancë 6 shtetas të tjerë, për vepra të ndryshme penale.

Në vijim të punës për kapjen e personave të kërkim, nga strukturat e DVP Tiranë u bë kapja dhe ndalimi 2 shtetasve, konkretisht:

Nga specialistët për Hetimin e Krimit në Komisariatin e Policisë Nr. 1 u bë kapja dhe ndalimi i shtetasit O. Xh., 22 vjeç, pasi më datë 09.12.2020, gjatë protestës së zhvilluar në bulevardin ?Dëshmorët e Kombit? i ka vënë flakën pemës së Krishtlindjeve.

Nga specialistët për Hetimin e Krimit në Komisariatin e Policisë Nr. 6 u bë kapja dhe ndalimi i shtetasit E. L., 34 vjeç, si dhe u shpall në kërkim shtetasi R. C., 21 vjeç, pasi më datë 11.12.2020, në bashkëpunim me njëri-tjetrin, kanë vjedhur mjetin motor në pronësi të shtetasit I. L.

Specialistët e Seksionit për Hetimin e Narkotikëve bënë arrestimin në flagrancë të shtetasit A. H., 27 vjeç, pasi në rrugën ?Shemsie Haka?, gjatë kontrollit fizik iu gjet e u sekuestrua në cilësinë e provës materiale një sasi lënde narkotike kokainë.

Nga specialistët për Hetimin e Krimit në Komisariatin e Policisë Nr. 1 u bë arrestimi në flagrancë i shtetasit A. K., 28 vjeç, pasi i ka vjedhur telefonin shtetasit G. Gj.

Po nga specialistët për Hetimin e Krimit në Komisariatin e Policisë Nr. 1 u bë arrestimi në flagrancë i shtetasit G. B., 67 vjeç, për veprat penale ?Prishja e qetësisë publike? dhe ?Vjedhja?.

Specialistët për Hetimin e Krimit në Komisariatin e Policisë Nr. 2 bënë arrestimin në flagrancë të shtetasit D. L., 45 vjeç, i dënuar më parë për veprën penale ?Dhuna ne familje?, pasi në rrugën ?Dëshmorët e Fekenit?, në gjendje të dehur dhe në kundërshtim me vendimin e Gjykatës, ka ushtruar dhunë psikologjike në prezencë të dy fëmijëve, ndaj bashkëshortes, e cila është e pajisur me urdhër mbrojtjeje.

Nga specialistët për Hetimin e Krimit në Komisariatin e Policisë Nr. 6 u bë arrestimi në flagrancë i shtetasit A. K., 45 vjeç, pasi në rrugën ?Loni Ligori?, ka ushtruar dhunë fizike ndaj vajzës së tij të mitur dhe për të shmangur shoqërimin e tij, ka goditur për shkak të detyrës punonjësin e Policisë.

Specialistët e Qarkullimit Rrugor bënë arrestimin në flagrancë të shtetasit K. S., 32 vjeç, pasi në rrugën ?Sulejman Pasha?, u kap duke drejtuar mjetin në gjendje të dehur, në masën 0.61 mg/l.

Materialet iu dërguan Prokurorisë së Rrethit Gjyqësor Tiranë, për veprime të mëtejshme.